Om Høgskulen / Samfunnsfag og historie / Planlegging og administrasjon / mastrgr / Avdeling for samfunnsfag>

Avdeling for samfunnsfag> P {font-size: 10pt; font-family: "Verdana"; line-height: 12pt; margin-right: 10%; margin-top: 1%; margin-left: 0%} H1 {font-size: 11pt; font-family: "Verdana"; font-weight: bold; line-height: 12pt; margin-left: 0%; margin-top: 1%; margin-right: 10% } A{text-decoration: none;} A:link{color: #0000FF;} A:visited{color:#0000FF;} -->

Mastergrad i samfunnsplanlegging - 120 studiepoeng vidareutdanning

Høgskulen i Volda har som den einaste høgskulen i landet fått godkjenning frå departementet til å tilby eit mastergradstudium i samfunnsplanlegging.

Studieplan

Tidspunkt for studiesamlingar studieåret 2002 - 2003 finn du her.

Formål
Dette er ei toårig yrkesretta vidareutdanning for folk med minimum tre år høgare utdanning. Studiet passar godt for dei som ønskjer eit djupare teoretisk fundament og ei meir kritisk forståing av metodar for utøving av plan- og utviklingsarbeid i samfunn og organisasjonar. Studiet kan takast på heiltid eller deltid.

Innhald og organisering
Studiet er på 120 studiepoeng og er samansett av fire modular. To av modulane er obligatoriske og to er valfrie. Dei to obligatoriske modulane skal til saman gi eit kjernepensum i samfunnsplanlegging med vekt på lokalt, kommunalt og regionalt plan- og utviklingsarbeid. Det er opp til den einskilde å avgjere kor lang tid ein vil bruke på å fullføre mastergraden i samfunnsplanlegging. Undervisninga i kvar av modulane som blir gitt av Høgskulen i Volda, er som regel konsentrert til mellom fem og seks vekesamlingar fordelt på haust- og vårsemesteret. Dette gjer at studiet kan takast på heiltid- eller deltid.

Obligatorisk fellesmodul i samfunnsplanlegging
Hovedmålet med denne modulen er å gi studentane eit felles teoretisk grunnlag som basis for dei andre modulane som inngår i mastergradsstudiet. Høgskulen tilbyr modulen Regional planlegging og utvikling som ein slik fellesmodul.

Obligatorisk integrasjonsmodul med masteroppgåve
Målet med denne modulen er å gi studentane vitskapsteoretisk og metodisk innsikt i plan- og utgreiingsarbeid som grunnlag for utarbeiding av masteroppgåva, som er ein integrert del av denne modulen. Det blir lagt vekt på at studentane skal nytte ulike teoretiske perspektiv og omgrep til å drøfte problemstillingar frå praksisfeltet, helst problem frå eigen praksis som samfunnsplanleggar.

Valfrie modular
Det er høve til å velje dei valfrie modulane frå ein meny av førehandsgodkjende modular. Ein kan også søkje om å få godkjent andre modular frå høgskular og universitet i inn- og utland. Modular som skal inngå i graden må vere på minst ti vekttal og vere på mastergradsnivå. Høgskulen arbeider med å få til fleire førehandsgodkjende modular ved andre høgskular og universitet i inn- og utland som kan nyttast som valfrie modular i mastergradstudiet. Studentane vil få rettleiing om samansetting av modular undervegs i studiet og seinast ved søknad om opptak til den avsluttande integrasjonsmodulen. Høgskulane kan sette sperre mot einskilde modular dersom det er fagleg overlapping mellom dei. Tilbodet av modular ved Høgskulen i Volda vil kunne variere frå år til år. Aktuelle valfrie modular er:

- Offentleg organisering og leiing

- Kommunal leiing

- Lokal planlegging og Agenda 21

- Kriminalitetsførebygging (NB: startar veke 20)

- Livsløpsperspektiv i samfunnsplanlegginga 

Eksamen og vitnemål
Dei som har fullført dei nødvendige modulane som inngår i graden, vil få eit eige vitnemål for oppnådd mastergrad i samfunnsplanlegging. Kvar av modulane kan gjennomførast uavhengig av sjølve graden. Unnataket er den avsluttande integrasjonsmodulen med masteroppgåve.

Kompetanse
Mastergradsutdanninga vil vere sidestilt med hovudfagsutdanningar, m.a. med tanke på vidare doktorgradsstudium.

Krav til samansetting av modular
Studiet er på 120 studiepoeng og er samansett av fire modular. To av modulane er obligatoriske og to er valfrie. Studentar med minst fire års studiar frå høgskule og universitet (til dømes cand.mag.studiar, sivilstudiar eller hovudfagsstudiar) får fritak for ein av dei valfrie modulane og må fullføre ein modul i tillegg til den obligatoriske Fellesmodulen i samfunnsplanlegging og den obligatoriske Integrasjonmodulen med masteroppgåve.

Studiekostnader
Modulane ved Høgskulen i Volda er gratis, men studentane må betale vanleg semesteravgift til høgskulen og avgift til Studentsamskipnaden for Sunnmøre. Ut over dette må studentane dekke eigne utgifter til reise, opphald, pensumlitteratur, studieturar m.m., eller eventuelt få arbeidsgivarane til å dekke dei. Studiet er godkjent for ettergjeving av del av utdanningslån i Statens Lånekasse. Kvar einskild treng ikkje søkje særskilt. For meir informasjon om denne ordninga kontakt studierettleiar Kjellfrid Osdal på tlf. 70 07 51 10.

Fagleg ansvarleg
Høgskulen i Volda, Avdeling for samfunnsfag, Institutt for kommunalfag

Meir informasjon
Ta kontakt med høgskulen (tlf. 70075000) og be om å få tilsendt søknadsskjemaet for mastergradsstudiet i samfunnsplanlegging.

Søknadsrutinar og fristar
Ein kan søkje direkte her. Dersom det er ledige plassar vil ein kunne handsame søknader heilt fram til studiestart. Det er høve til å søkje om førehandsopptak med søknadsfrist 1. mars.

Sist oppdatert 16.07.02 av KED

Skriv ut