Om Høgskulen / Samfunnsfag og historie / Planlegging og administrasjon / offorg-leii / Avdeling for samfunnsfag>

Avdeling for samfunnsfag> P {font-size: 10pt; font-family: "Verdana"; line-height: 12pt; margin-right: 10%; margin-top: 1%; margin-left: 0%} H1 {font-size: 11pt; font-family: "Verdana"; font-weight: bold; line-height: 12pt; margin-left: 0%; margin-top: 1%; margin-right: 10% } A{text-decoration: none;} A:link{color: #0000FF;} A:visited{color:#0000FF;} --> Offentleg organisering og leiing

30 studiepoeng vidareutdanning. Kan inngå som valfri modul i mastergradsstudiet i samfunnsplanlegging.

Målgruppe

Dette er ein modul for kandidatar med treårig profesjonsutdanning eller med anna høgare utdanning som ønsker å vidareutdanne seg innafor offentleg organisering og leiing. Modulen legg vekt på dei utfordringane offentleg sektor står overfor, og dei nye relasjonane som blir utvikla mellom privat, frivillig og offentleg sektor. Modulen er eigna for leiarar og andre tilsette med ansvar for organisasjonsutvikling og personalforvaltning i kommunar, fylkeskommunar og stat, og leiarar i privat og frivillig sektor som har mykje kontakt med offentleg sektor. Undervisninga er tilrettelagt for studentar både på heiltid og deltid.

Læringsmål

Modulen tek føre seg teori om organisering og leiing i offentleg verksemd med sikte på at deltakarane skal styrke kompetansen sin som leiarar. Studentane skal gjennom studiet utvikle:

· Kompetanse til å analysere og forstå utviklingstrekka og utfordringane for offentleg sektor
· Kunnskap om teoriar og metodar som er relevante for organisering og leiing i offentleg sektor
· Evne til kritisk vurdering av ulike oppskrifter for organisering og leiing i offentleg sektor
· Praktisk handlingskompetanse i målretta organisasjonsutvikling, personalforvaltning og kompetanseutvikling
· Evna til sjølvstendig og kritisk refleksjon

Innhald og organisering

Undervisninga er konsentrert til fem vekesamlingar fordelt på haust- og vårsemesteret. Kvar samling er sett saman av om lag 15 timar forelesingar og om lag 15 timar gruppearbeid/øvingar/seminar. I tillegg blir det gitt ei innføringssamling (forkurs) og ei repetisjonssamling dersom det er behov for det. Innhaldet i dei fem vekesamlingane:

Samling OL1: Organisasjonsteori og avgjerdsmodellar.

Føremålet med samlinga er å gje eit oversyn over klassiske og nyare teoriar om organisasjonar som strukturar og kulturar, med vekt på omgrep og modellar som vert nytta i analyse av organiseringsprosessar.

Samling OL2: Politisk teori og offentleg verksemd.

På denne samlinga vert det lagt vekt på teoriar om demokrati og politikk, politisk organisering og politiske prosessar. Vidare om kva rolle offentleg verksemd har i samfunnet, og kva verknader ulike organisasjonsformer har for oppgåveløysing og for brukarane.

Samling OL3: Organisasjonsutvikling i offentleg sektor.

Ein vil her konsentrere seg om teori og metode for organisasjonsutvikling, og om endringsprosessar og trendar innan organisasjonsutvikling.

Samling OL4: Leiing og leiingsteori.

Føremålet med denne samlinga er å gje ei innføring i moderne organisasjons- og leiingspsykologi, og vise korleis kunnskap om forskingsresultat og innsikt i fagpsykologiske omgrep og prinsipp kan hjelpe ein til å tenkje sjølvstendig omkring praktiske problem i arbeidslivet og til å finne eigne løysingar.

Samling OL5: Personalleiing og kompetanseutvikling.

Siktemålet er å gje eit oversyn over fagfeltet personaladministrasjon, med vekt på sentrale funksjonar innafor det som har med leiing og personalutvikling å gjere.

Undervisningsformer, heimeoppgåver og pensum

Undervisninga er lagt opp med ein kombinasjon av forelesingar, gruppearbeid, presentasjon og drøfting i plenum m.m. Det er lagt vekt på praktiske øvingar med utgangspunkt i deltakarane sine eigne utfordringar. Undervisningsformer som legg vekt på open kommunikasjon og kreativ problemløysing blir prioritert. Det er ein føresetnad at deltakarane driv sjølvstudium mellom samlingane. Studentane får tilbod om å skrive to individuelle heimeoppgåver som faglærar kommenterer. Pensum er på omlag 2000 sider.

Eksamen og kompetanse

Eksamen er sett saman av ein 6 timars skriftleg individuell skuleeksamen og ei av heimeoppgåvene. Skuleeksamen tel to tredjedelar og heimeoppgåva ein tredjedel når karakteren blir sett. Stått vurdering gir 30 studiepoeng i høgskulesystemet.

Modulen kan takast i studieløyper fram mot cand.mag.-graden, som del av Eittårig vidareutdanning i kommunal organisering og leiing (jf. under), eller som valfri modul i mastergradsstudiet i samfunnsplanlegging.

Eittårig vidareutdanning i kommunal organisering og leiing

Vidareutdanninga er sett saman av tivekttalsmodulane Offentleg organisering og leiing og Kommunal leiing og utgjer til saman 60 studiepoeng. Dette er ei eittårig vidareutdanning for personar med treårige grunnutdanningar som fungerer, eller som ønsker å kvalifisere seg for leiarstillingar i kommunal verksemd. Ved opptaket blir det lagt vekt på å sette saman ei gruppe studentar med ulike utdanning og praksis. Av erfaring veit vi at dette gir eit spennande læringsmiljø. Denne vidareutdanninga er ein del av høgskulen si satsing på leiarutdanning. Modulen Offentleg organisering og leiing er såleis felles for fleire liknande vidareutdanningar i leiing som er under utvikling ved høgskulen. Desse utdanningane kombinerer modulen med modular retta inn mot leiing i sektorane helse- og sosial, kyrkje og skule.

Opptak

Grunnlaget for opptak er tre år høgare utdanning. Opptakskrava er meir spesifiserte i studieplanen for mastergraden i samfunnsplanlegging. Talet på studentar er avgrensa til 25.

Studiekostnader

Undervisninga er gratis, men studentane må betale vanleg semesteravgift til høgskulen og avgift til Studentsamskipnaden for Sunnmøre. Ut over dette må studentane dekke eigne utgifter til reise, opphald, pensumlitteratur, studieturar m.m., eller eventuelt få arbeidsgivarane til å dekke dei.

Studiestad

Høgskulen i Volda

Fagleg ansvarleg

Avdeling for samfunnsfag, Institutt for kommunalfag ved førsteamanuensis Roar Amdam.

Meir informasjon
For meir informasjon viser vi til studieplanar, kursomtalar, og søknadskjema som du finn i menyen venstre. Du kan også ta kontakt med høgskulen og be om å få tilsendt informasjon og søknadsskjema.

Søknadsfrist: 15. april (1. mars for førehandsopptak)

Skriv ut