|
Avdeling for samfunnsfag>
P {font-size: 10pt;
font-family: "Verdana";
line-height: 12pt;
margin-right: 10%;
margin-top: 1%;
margin-left: 0%}
H1 {font-size: 11pt;
font-family: "Verdana";
font-weight: bold;
line-height: 12pt;
margin-left: 0%;
margin-top: 1%;
margin-right: 10% }
A{text-decoration: none;}
A:link{color: #0000FF;}
A:visited{color:#0000FF;}
-->
Regional planlegging og utvikling Fellesmodulen i samfunnsplanlegging
30 studiepoeng vidareutdanning - ein obligatorisk modul i mastergradsstudiet i
samfunnsplanlegging Målgruppe
Modulen er eigna for planleggarar,
leiarar og andre tilsette med ansvar for samfunnsplanlegging og regional utvikling
i kommunar, fylkeskommunar og stat, og leiarar i privat og frivillig sektor som
har mykje kontakt med offentleg sektor og viktige roller i regionalt utviklingsarbeid.
Vidareutdanninga høver også for folkevalde som ønskjer ei
planfagleg fundert tilnærming til regional samfunnsutviling. Læringsmål
Modulen legg vekt på utfordringane som administrative, funksjonelle og økonomiske
regionar står overfor, analyse av evnene dei har til å svare på slike, og utvikling
av strategiar og tiltak for å møte utfordringar. Modulen skal fungere som ein
syntese av næringsretta utviklingsarbeid og regional samfunnsplanlegging med vekt
på korleis ein kan stimulere utviklingsprosessar i regionale samfunn som kommunar
og fylke. Modulen tek opp i seg emne som ofte vert kalla tiltaksarbeid, regionalt
utviklingsarbeid, næringsutvikling, nærmiljøarbeid, regional planlegging (kommune-
og fylkesplanlegging) og samfunnsutvikling. Samanhengen mellom proaktivt
utviklingsarbeid og korleis det regionale planleggingssystemet kan brukast til
å skape utvikling, er viktig. Innhald og organisering
Undervisninga
er konsentrert til seks samlingar på fire dagar, normalt tre i haustsemesteret
og tre i vårsemesteret. Kvar samling er sett saman av ca. 12 timar forelesing
og ca. 15 timar gruppearbeid/øvingar/seminar. Dei seks samlingane tek føre
seg desse temaområda: Samling RP0: Forkurs - planleggingsteori
og kommunalt og fylkeskommunalt plansystem
Samlinga gir ei innføring
i teoriar og metodar om planlegging og utvikling, kommunale oppgåver og
planleggingssystem, og om utfordringar på kommune-, region- og fylkesnivå.
Samlinga RP0 er for dei deltakarane som ikkje har nødvendig innsikt i planleggingsteori
og kommunal planlegging og forvaltning til å kunne ha utbytte av modulen.
Samling RP1: Utfordringar - regional struktur og regional utvikling
Samlinga gir innsyn i regionale nærings- og samfunnsstrukturar i Noreg
og i utlandet og viser kva utviklingsprosessar som har ført til den noverande
strukturen. Samlinga gir også oversikt over kva utviklingsstrategiar som
kan nyttast for å få endra utvikling og kva planteoretisk grunnlag
strategiane har. Samling RP2: Ideutvikling - planleggingsrasjonale og
kreativ problemløysing
Det er lagt stor vekt på kva som
stimulerer regionale utviklingsprosessar, og korleis kommunar, fylke og stat kan
bidra til utvikling av samfunn i samarbeid med private partnerar. Kreativitetsteknikkar
vert brukt aktivt i undervisninga. Samling RP3: Kapabilitet - regionalt
utviklings- og planleggingsarbeid
Samlinga gir innsyn i utviklinga av
regionar, og kva som kan gjerast for å stimulere regionale handlingsmiljø.
Samling RP4: Strategiutvikling og gjennomføring - regional framtid
Samlinga gir innsyn i korleis ein kan planlegge regional utvikling med vekt
på offentleg planlegging i regi av regionale samarbeid og fylkeskommunal
planlegging. Det er lagt vekt på slike planleggingsprosessar i Noreg, men
også i ein europeisk samanheng.
Samling RP5: Organisering - prosjektplanlegging
og prosjektarbeid
Samlinga handlar om initiering, planlegging, gjennomføring
og evaluering av prosjekt i kommunar og anna offentleg verksemd. Undervisninga
kan ha form av ekskursjon der desse og andre tema vert tekne opp. Undervisningsformer,
heimeoppgåver og pensum
Undervisninga er lagt opp med ein kombinasjon
av forelesingar, gruppearbeid, presentasjon og drøfting i plenum m.m. Det er lagt
vekt på praktiske øvingar med utgangspunkt i deltakarane sine eigne utfordringar.
Undervisningsformer som legg vekt på open kommunikasjon, aktiv deltaking og kreativ
problemløysing blir prioritert. Det er ein føresetnad at studentane
driv sjølvstudium mellom samlingane. Studentane får tilbod om å skrive
to heimeoppgåver som faglærar kommenterer. Pensumet er på omlag 2000 sider.
Eksamen og kompetanse
Vurderinga er sett saman av ein 3 dagars
skriftleg individuell heimeeksamen og ei av heimeoppgåvene. Eksamen tel to tredjedelar
og heimeoppgåva ein tredjedel når karakteren blir fastsett. Stått eksamen
gir 30 studiepoeng i høgskulesystemet. Modulen kan inngå i studieløyper
fram mot cand.mag. graden og som obligatorisk modul i mastergraden i samfunnsplanlegging.
Opptak
Grunnlaget for opptak er tre år høgare utdanning.
Opptakskrava er meir spesifiserte i studieplanen for mastergraden i samfunnsplanlegging.
Talet på studentar er avgrensa til 25. Studiekostnader
Undervisninga
er gratis, men studentane må betale vanleg semesteravgift til høgskulen
og avgift til Studentsamskipnaden for Sunnmøre. Ut over dette må
studentane dekke eigne utgifter til reise, opphald, pensumlitteratur, studieturar
m.m., eller eventuelt få arbeidsgivarane til å dekke dei. Studiestad
Høgskulen i Volda Fagansvarleg
Avdeling for samfunnsfag,
Institutt for kommunalfag ved professor Jørgen Amdam. Meir informasjon
For meir informasjon viser vi til studieplanar, kursomtalar, og søknadskjema som
du finn i menyen venstre. Du kan også ta kontakt med høgskulen og be om å få tilsendt
informasjon og søknadsskjema. Søknadsfrist: 15. april (1. mars for
førehandsopptak)
|
