Gjennomføringsplan 2005/06

Oversikt over samlingar

Grunnkurset i høgskolepedagogikk blir for studieåret 2005-2006 organisert med to-dagars samlingar, etter følgjande plan:

6.-7. september 2005 27.-28. september 25.-26. oktober 29.-30. november 10.-11. januar 2006 14.-15. februar 14.-15. mars 29. mars

Grunnkursdeltakarane 2005-06

Den første samlinga, 6.-7. september, blir internatsamling, på Trollvasshytta i Nordmarka. http://www.trollvasshytta.no/KursKon.htm  Pedagogisk utviklingssenter dekkjer kostnadar for opphaldet. Dei andre samlingane blir haldne i lokala for Pedagogisk utviklingssenter, pr. i dag ligg dette i P40, 2. etasje. Blir senteret flytta innan kursstart, kjem vi tilbake med informasjon om det.   Tidspunkta for samlingane er kl. 0900-1500. Det er ein føresetnad at deltakarane arbeider både individuelt og gruppevis mellom samlingane. Omfanget på den samla arbeidsmengda ved kurset er sett til ca 300 arbeidstimar.

Den siste samlinga, 29. mars, er dokumentasjonssamling, der det blir gruppevis presentasjon av dei avsluttande arbeida i kurset. Dokumentasjonsforma er basert på prinsippa for mappevurdering.

Lærestøttesystem

For studieåret 2005-2006 blir Class Fronter tatt i bruk som aktiv kommunikasjonskanal. Dette inneber at all kursinformasjon blir lagt inn her, både generelle oversiktar og informasjonar, meldingar og oppgåver etc i samband med kvar samling og mellomperiodane mellom samlingane. Deltakarane legg også inn sine skriftlege arbeid her, og det blir oppretta gruppeforum, der deltakarane kan utveksle delarbeid undervegs.

GKIT2 er eit tillegg til dette. Det er laga for ein modul om Informasjons- og dokumentkompetanse. Det finnast som verktøy i Class Fronter, men kan og brukast aleine.

Arbeidsmåtar og pedagogisk tilnærming

Ved gjennomføring av kurset blir det lagt vekt på aktive arbeidsmåtar og på ei utforskande tilnærming til hovudtemaet – høgskolepedagogikk. Dette inneber at vi vil starte ut med fokus på pedagogisk utviklingsarbeid, kva dette er, kva det vil innebere å ha eit utviklingsperspektiv på eigen pedagogiske praksis eller i eige utdanningsmiljø, og konkretisering av ulike ”miniprosjekt” som den enkelte og gjerne grupper av deltakarane vil arbeide med, som del av sin eigen læreprosess. Ulike arbeids- og studieformer vil bli prøvd ut gjennom kurset, både som arbeidsmåte og som fokus for kursinnhaldet.

Innhald og studiestruktur

Innhaldet i grunnkurset går fram av studieplanen, som er å finna på HiO-veven: http://www.hio.no/enheter/pedagogisk_utviklingssenter_pus/grunnkurs

For studieåret 2005-2006 blir innhaldet organisert i nokre hovudtema som følgjer strukturen for fellessamlingane, dvs. kurset blir delt inn i bolkar som startar med ei fellessamling med introduksjon til temaet, deltakarane arbeider med oppgåver fram til neste samling, der dette temaet blir oppsummert, og eit nytt tema introdusert.

Den tematiske strukturen i kurset blir klarlagt i løpet av våren 2005.