Grønt lys for 20 nye hyblar på Rauland
Studentsamskipnaden i Telemark (SiTel) har fått grønt lys frå departementet til å bygge 20 mye studenthyblar ved Høgskolen i Telemark - Rauland. Truleg står hyblane klare hausten 2005
SiTel har frå før 869 hyblar fordelte på 528 hyblar i Bø, 172 på Notodden og 169 i Porsgrunn, men har mangla hybeltilbod i sin regi i Rauland.
- Vi starter prosjekteringa av studenthyblane så snart som råd, og vi tek sikte på å kome igang med bygginga i løpet av sommaren eller hausten i år, seier bustad- og eigedomsdirektør Arne Johnsen i SiTel. Det har alt vore kontakt med Vinje kommune om tomtespørsmålet.
Hybelprosjektet i Rauland vil ha ei kostnadsramme på seks millionar kroner. Av dette kjem 60 prosent som direkte statstilskot, medan resten blir finansiert ved husbanklån.
