Opptakskravet er generell studiekompetanse. Studiet vil bli tilbode i vårsemesteret og vil derfor passe godt for studentar som tar eit påbyggingsstudium i haustsemesteret. Studiet rettar seg også mot alle som ønskjer å gå vidare med studium innan språk, historiefag, kulturfag o.l. og skal gi grunnleggjande kunnskapar innan informasjons- og kommunikasjonsteknologi til bruk innafor dei humanistiske fagområda.
Formålet med studiet er å gje studentane ei grunnleggjande innføring i informasjons- og kommunikasjonsteknologi for humanistiske fag. Emnet gir teoretiske og praktiske kunnskapar for å kunne nytte aktuelle maskin- og programvaretypar i samanheng med fagleg arbeid innan desse faga, og legg vekt på å gi studentane eit kritisk perspektiv på IKT i kultur og samfunn.
Studiet vil kunne gå inn i ein bachelorgrad med 20 studiepoeng, etter tid-for-tid prinsippet. Etter søknad kan heile eller delar av studiet gå inn som valemne i andre studium ved avdelinga. Ein kan ta andre emne saman med desse og dermed få eit heilt semesters studium.
|
IKT for humanistar
|
||||||||||||||||||||||||||||||||||||
Studiet er sett saman av 2 kurs som blir tilbode i vårsemesteret. Dei to kursa (10 + 10 studiepoeng) tek for seg eit kritisk perspektiv på utviklinga i bruk av digitale medium i kultur og samfunn, og undervisning i konkret bruk av moderne digital teknikk innafor dei humanistiske fagområda.
Ein kan ta eit 5 eller 10 studiepoengskurs i tillegg for å få fullt semester. Eit innføringskurs i informasjonsteknologi kan vere aktuelt å sette inn. Ein kan også kombinere med examen philosophicum eller andre emne frå dei humanistiske faga.
Alle kursa vil ha eksamen i vårsemesteret, og avviklinga følgjer eksamensreglementet som er fastsett av Høgskolen i Telemark, bygd på "Lov om universitet og høgskolar". Sjå punktet "Vurdering" under omtalen av kvart kurs i studieplanen.
Det tas forbehold om mindre justeringer i planen.
Copyright © Høgskolen i Telemark
