Utdanningsplan og emneval

Studentane skal kvart år ha ein utdanningsplan som må godkjennast av programstyret. Planen skal registrerast i byrjinga av haustsemesteret slik at oppmelding i emne kan skje innan 15. september for haustsemesteret, og 15 februar for vårsemesteret.

Emne skal ordinært velgast blant dei tilrådde emna i den valde fagprofilen. Programstyret kan godkjenne val av andre emne dersom det er kapasitet.

Deltidsstudiar

Programstyret kan godkjenne søknad om deltidsstudiar for eitt år om gongen i samsvar med utdanningsplanen. Studenten kan ikkje bruke meir enn tre år på same årskurs. Masteroppgåva kan ikkje takast som deltidsstudium.

Masteroppgåve

Masteroppgåva skal vere på 30 studiepoeng,

For å få starte arbeid med masteroppgåve må alle obligatoriske og valgbare emne som inngår i utdanningsplanen, vere bestått. Programstyret kan i særskilde tilfelle fråvike dette, og skal ta omsyn til omfanget av gjenståande emne og om dei er viktige for gjennomføring av masteroppgåva.

Masteroppgåva skal normalt takast ut i løpet av veke 2, alternativt veke 33. Tidsramma for arbeidet er 20 veker. Programstyret kan godkjenne utvida tidsramme dersom:

• studenten har undervisningsarbeid ved NTNU
• studenten blir forsinka i arbeidet på grunn av sjukdom eller andre tvingande grunnar
• studenten utfører masteroppgåva i utlandet.

Masteroppgåva kan gjerast:

1. Individuelt
2. I gruppe med individuell vurdering
3. I gruppe med felles vurdering

Alle studentar har krav på å få gjera masteroppgåva individuelt. Studentar kan velge oppgåveform 2 og 3 dersom dei sjølv set saman gruppa og emneansvarleg for oppgåva godtek det. I tilfelle 2 skal den enkelte students bidrag kunne skillast ut. Ved gruppearbeid skal studentane på førehand inngå skriftleg avtale om forholdet. Avtalepartane er studentane i gruppa og emneansvarleg. Det blir brukt særskild avtaleformular.

Den innleverte masteroppgåva med vedlegg kan fritt brukast av NTNU til undervisnings- og forskingsformål. Ved bruk ut over dette, som utgjeving og anna økonomisk utnytting, må det gjerast særskild avtale mellom NTNU og kandidaten.

Sem.	7,5 stp	7,5 stp	7,5 stp	7,5 stp
1 Haust	Fysisk oversiktsplanlegging	Landskapsplanleggning og GIS	Byggeskikk og stedsforming	Valgemne
2 Vår	Fysisk detaljplanlegging	Biologiske ressurser	Kommunal økonomi og planlegging	Valgemne
3 Haust	Planleggingteori og prosesskunnskap	Prosjekt i fysisk planlegging	Plan og byggesak	Valgemne
4 Vår	Masteroppgåve

GENERELLE BESTEMMELSER

Øvingsarbeid

Studenten kan normalt ikkje levere svar eller vedlegg til desse etter oppsett innleveringsfrist. Det aktuelle instituttet kan i særskilde tilfelle gje utsetting.

Tilgang til eksamen

For å få tilgang til eksamen må studenten ha fått godkjent eventuelle obligatoriske øvingar i emnet.

Utsett eksamen

I emna som blir undervist av fakultet for arkitektur og biletkunst, blir utsett eksamen lagd til neste ordinære eksamensperiode. I andre emne gjeld reglane for ansvarleg fakultet. Ved gjentak av eksamen i emne der øvingsarbeid tel 50 % eller meir, må det leverast nytt eller revidert øvingsarbeid.