Opplæringsdelen av PhD-studiet skal innehalde fagleg og metodisk skolering på høgt vitskapleg nivå for å kvalifisere til arbeidet med avhandlinga og sikre breidde i kandidaten sin vitskaplege kompetanse.
Opplæringsdelen er samansett av fire element:
Emne i vitskapsteori, 7,5 studiepoeng
Emne i metode, 7,5 studiepoeng
Fagemne, 7,5 studiepoeng
Frie emne, 7,5 studiepoeng
Ved å gå inn på sida om emner og kurs i menyen til venstre, kan du finne aktuelle kurs for fleire av elementa i opplæringsdelen.
Godkjenning og registrering av emne i opplæringsdelen
Det er leiaren for PhD-programmet som godkjenner emna i opplæringsdelen. Dette skjer i samråd med kandidaten sin rettleiar.
Du finn utfyllande informasjon om opplæringsdelen og om godkjenninga av emne i §7.3 i Forskrift for graden Philosophiae Doctor (PhD) ved Norges teknisk-naturvitenskapelige universitet (NTNU), og i studieplanen for det aktuelle PhD-programmet.
For at eit emne skal bli registrert på kandidaten, må Det historisk-filosofiske fakultetet få beskjed om kva emne kandidatane har tenkt å ta. Fakultetet vil då eksamensmelde kandidaten. Fakultetet må òg få dokumentasjon på emne som kandidatane har gjennomført. Det vil då bli lagt inn sensur på emnet.
Ta gjerne kontakt viss du har spørsmål om dette eller emne som du vil få registrert.
Det er òg mogleg for PhD-kandidatar frå andre universitet å ta eitt eller fleire PhD-emne ved Det historisk-filosofiske fakultetet, NTNU. Ta kontakt med programleiar eller kontaktperson for meir informasjon om dette.
