140052
statistikk
2014-03-13T10:00:00.000Z
Arbeid og lønn
no
lonnvar, Lønn for tilsette i vassforsyning, avløps- og renovasjonsverksemdLønn, Arbeid og lønn
true

Statistikk

Gå til statistikkens arkiv

Lønn for tilsette i vassforsyning, avløps- og renovasjonsverksemd, 1. oktober 2013

Publisert:

Neste publisering:

Innhald

Månadslønna opp 1 100 kroner

Gjennomsnittleg månadslønn eksklusive overtidsgodtgjersle for heiltidstilsette i vatn, avlaup og renovasjonsverksemd var 38 400 kroner per oktober 2013. Dette er ein auke på 1 100 kroner, eller 2,9 prosent, frå oktober 2012.

Heiltidstilsette i vatnforsyning, avlaup og renovasjonsverksemd, etter yrke. Gjennomsnittleg månadslønn per oktober. Kroner og endring i prosentPublisert 13. mars 2014
Månadslønn Avtalt månadslønn
2013 2012 - 2013 2013 2012 - 2013
Vatn, avlaup og renovasjon i alt 38 400 2,9 36 700 3,1
Av dette
Leiaryrke 57 800 1,9 55 200 3,0
Akademiske yrke 48 200 1,9 47 000 1,7
Høgskuleyrke 43 500 3,6 41 800 3,7
Kontoryrke 34 500 2,4 33 500 3,1
Handverkarar 34 900 2,0 32 300 1,3
Operatørar,sjåførar mv. 33 900 4,0 32 200 3,9
Yrke utan krav til utdanning 31 600 4,3 30 500 4,1

Kilde: Statistisk sentralbyrå

I dette næringsområdet er det mange tilsette i yrkesgruppa operatørar og sjåførar, som til dømes driftsoperatørar, maskinførarar, prosessoperatørar og spesialarbeidarar. Denne gruppa hadde ei månadslønn eksklusive overtidsgodtgjersle på 33 900 kroner, som svarar til ein auke på 4 prosent frå oktober 2012. Avtalt månadslønn steig 3,9 prosent i perioden, frå 31 000 til 32 200 kroner.

2 prosent høgare lønn til handverkarar

Handverkarar hadde ei gjennomsnittleg månadslønn eksklusive overtidsgodtgjersle på 34 900 kroner. Dette er 700 kroner, eller 2 prosent, meir enn på same tidspunktet i 2012. Avtalt månadslønn for denne yrkesgruppa auka med 1,3 prosent, frå 31 900 kroner til 32 300 kroner.

1,9 prosent høgare lønn til leiarar

Heiltidstilsette i yrke med høgskuleutdanning hadde ei gjennomsnittleg månadslønn eksklusive overtidsgodtgjersle på 43 500 kroner. Dette er ein auke på 3,6 prosent frå oktober 2012. Leiarar hadde ei gjennomsnittleg månadslønn eksklusive overtidsgodtgjersle på 57 800 kroner. I gjennomsnitt er dette 1,9 prosent meir enn året før.

Talet på tilsette i statistikkgrunnlagetÅpne og lesLukk

Statistikken byggjer på eit utval av verksemder i både offentleg og privat sektor i næringshovudområdet vatn, avlaup og renovasjonsverksemd med til samen 8 966 heiltidtilsette og 1 385 deltidstilsette. Ifølgje Verksemd- og føretaksregisteret utgjorde vektegrunnlaget til lønnsstatistikken for vatn, avlaup og renovasjonsverksemd 10 400 tilsette per oktober 2013.