153289
statistikk
2014-03-28T10:00:00.000Z
Energi og industri;Svalbard
no
elektrisitetaar, Elektrisitet, årstal, elektrisitetsproduksjon, straumforbruk, vasskraft, varmekraft, vindkraft, kraftintensiv industri, straumprisar, kraftselskap, kraftstasjonar, e-verk, resultatrekneskap, driftsrekneskap, sysselsette, ledningsnett, transformatorar, import, eksportElektrisitet og annen energi, Energi og industri, Energi og industri, Svalbard
true

Statistikk

Gå til statistikkens arkiv

Elektrisitet, årstal, 2012

Publisert:

Innhald

Kraftselskapa auka bruttoinvesteringane

Bruttoinvesteringane, som er innkjøp minus sal av varige driftsmiddel, for kraftselskapa gjekk opp frå 14,4 milliardar i 2011 til 16,7 milliardar kroner i 2012.

Elektrisitetsbalanse. Årlig. GWh.Publisert 28. mars 2014
2012 Andel Prosent
2011 - 2012
Produksjon i alt 147 716 100,0 15,7
Vasskraftproduksjon 142 810 96,7 17,5
Varmekraftproduksjon 3 358 2,3 -30,0
Vindkraftproduksjon 1 548 1,0 20,7
 
Import 4 190 -62,8
Eksport 22 006 53,6
 
Bruttoforbruk 129 900 4,3
Pumpekraftforbruk og annet eget forbruk 2 096 -10,8
Tap og statistisk differanse 9 098 25,3
Nettoforbruk 118 706 100,0 3,3
Bergverksdrift og industri m.m. 51 702 43,6 1,0
Tenesteyting m.m. 26 659 22,5 3,7
Hushald og jordbruk 40 345 34,0 6,0

Kilde: Statistisk sentralbyrå

Figur 1. Resultatrekneskap for føretak i kraftnæringa. Faste 1998-prisar
Figur 2. Nøkkeltal for kraftnæringa, etter type verk. 2012
Figur 3. Innkjøp av varige driftsmidlar. Faste 1998-prisar
< Førre
  • Figur 1. Resultatrekneskap for føretak i kraftnæringa. Faste 1998-prisar
  • Figur 2. Nøkkeltal for kraftnæringa, etter type verk. 2012
  • Figur 3. Innkjøp av varige driftsmidlar. Faste 1998-prisar
Neste >
Figur 1. Resultatrekneskap for føretak i kraftnæringa. Faste 1998-prisarFigur 2. Nøkkeltal for kraftnæringa, etter type verk. 2012Figur 3. Innkjøp av varige driftsmidlar. Faste 1998-prisar

Medan bruttoinvesteringar i vasskraftstasjonar kom på 4,4 milliardar kroner, utgjorde bruttoinvesteringane i varmekraft- og vindkraftverk høvesvis 0,4 og 1,5 milliardar. Det vart investert i sentral-, regional- og distribusjonsnett for respektive 2,4, 1,5 og 3,8 milliardar i 2012.

Lågare driftsresultat

Driftsresultatet for kraftselskapa vart 26,5 milliardar kroner i 2012, som er ein nedgang på 13 prosent frå året før. Dette kan sjåast i samanheng med lågare elektrisitetsprisar i 2012. Produksjonsverka hadde det høgaste driftsresultatet: 22 milliardar. Nettselskapa oppnådde eit driftsresultat på 2,7 milliardar, medan driftsresultatet for resterande verk enda på 1,8 milliardar.

Årsoverskotet i kraftsektoren vart 13,2 milliardar i 2012. Dette er eit fall på 14 prosent frå året før.

Rekordhøg straumproduksjon

Produksjonen av elektrisk kraft var 147,7 TWh i 2012. Det er det høgaste nivået som er registrert i den årlege elektrisitetsstatistikken. Medan varmekraft og vindkraft stod for høvesvis 2,3 og 1,0 prosent av samla produksjon, var delen vasskraft 96,7 prosent. I 2012 vart det produsert mest elektrisitet i Hordaland. Straumproduksjonen i dette fylket utgjorde 14 prosent av den totale kraftproduksjonen. Andre fylke med stor produksjon er Sogn og Fjordane og Nordland. Produksjonen i kvart av desse fylka utgjorde 11 prosent av den totale kraftproduksjonen.

Noreg eksporterte 22 TWh i 2012, medan vi importerte 4,2 TWh. Dette ga ein netto eksport på 17,8 TWh.

Oppgang i straumforbruket

Frå 2011 til 2012 var det ein auke i totalt nettoforbruk av straum på 3,3 prosent, og forbruket enda på 118,7 TWh. Oppgangen kan sjåast i samanheng med kaldare vèr i 2012. Hushald og jordbruk stod for om lag ein tredjedel av det totale straumforbruket. Andre næringar med høg del var kraftintensiv industri (29 prosent) og tenesteyting (22 prosent).

Ny tabell om sluttbrukargruppar i kommunaneÅpne og lesLukk

På oppdrag frå Norges vassdrags- og energidirektorat har det blitt utarbeida ein statistikkbanktabell med informasjon om straumforbruk i norske kommunar for ulike sluttbrukargrupper. I samband med arbeidet har einskide 2011-tal for forbruk og prisar blitt reviderte. Meir informasjon er tilgjengeleg i «om statistikken».