|
 |
| 18. oktober i år vert det avgjort om Universitetet i Tromsø og Høgskulen i Tromsø skal fusjonere. |
I samband med fusjonsplanane vert det halde to opne symposium denne hausten for universitet- og høgskulesamfunnet.
Møta skal være eit treffpunkt for tilsette og studentar ved dei to institusjonane.
Møtet i slutten av september omhandlar forskinga sine kår og møtet i byrjinga av oktober omhandlar regional utvikling og andre samfunnsaktørar sine ventingar til eit nytt universitet.
– På møta vert det òg gitt generell informasjon. Etterpå er det fritt ordskifte så dei som vil kan stille spørsmål, seier prosjektleiar i fusjonsprosessen, Asbjørn Bartnes.
På eit eige møte vert det òg halde ei orientering om dei tilsette sine rettar og plikter.
Symposium
Studentar og tilsette inviterast først til eit ope symposium tysdag 25. september klokka 08.30-12.00. Symposiet er todelt og første del omhandlar forsking og fusjon.
HiTø og UiT står ovafor store utfordringar på forskingsfeltet, men kva for utfordringar er det tale om og kva for konsekvensar vil ein fusjon ha? Det er spørsmåla som vert tekne opp.
Andre del er omhandlar dei 10 tenkegruppene si tilråding som vart levert 15. september. Det vert òg innspel frå fagmiljøa.
Utgreiing
I samråd med dei tillitsvalte ved UiT og HiTø har leiinga tinga ei utgreiing av dei tilsette sine rettar og plikter ved ein fusjon.
Difor kjem ein representant frå advokatfirmaet Nakken, Rein, Hernæs, Øgland & Bråthen for å presentere konklusjonane i utgreiinga tysdag 2. oktober klokka 12.00-14.00 i Auditorium 1, Teorifagbygget.
Frukostmøte
Tysdag 9. oktober kan du melde deg på eit frukostmøte om fusjonen. I samarbeid med Mandag Morgen skal UiT og HiTø ta opp disse viktige spørsmåla: - Kva vil ein fusjonert institusjon ha å seie for landsdelen si utvikling?
- Korleis utvikle eit godt samspel mella næringslivet, offentleg sektor og akademia i Nord-Noreg?
Mandag Morgen skal presentere resultat frå ei undersøking i nordnorsk arbeids- og næringsliv om kva for kompetanse dei treng og forventningar til samarbeidet med høgre utdanningsinstitusjonar.
Frukostmøte finner stad på Universitetet i Tromsø, Teorifagbygget, Hus 1, Auditorium 1 frå klokka 08.30.
Les meir:
Nettsider om fusjonsprosessen
Relaterte artiklar:
Skuffet over juridisk fakultet
Nysmidde fusjonstanker
Arroganse og paternalisme
– Ingen må gå
Avklart med NOKUT
– Et paradoks
Lanserer nettsted om fusjonen
Det nye universitetet i nord
NOKUT kan velte fusjonen
Fusjon avgjøres i høst?
Jobber for fusjon
Felles lærerutdanning
Ett skritt nærmere sammenslåing
|
