Overgangsreglar mellom gamle doktorgrader og graden PhD

I samband med Kvalitetsreforma gikk universitetet over til å tilby graden philosophiae doctor (PhD). Universitetsstyret vedtok i samanheng med det overgangsreglar frå dei gamle gradane til graden PhD (vedtak 18.9.2003 - sak S 48/03). I følgje vedtaket kunne studentar som var tatt opp til ei av gradane dr.art., dr.juris., dr.med., dr.polit., dr.psychol. og dr.scient etter 1.7.2002 søkja avdelinga om overgang.

Denne overgangsordninga vart utvida 25.8.2006, i sak F 100-06. Føresett at dei er innafor tidsrammene for studierett i PhD-studiet kan alle som er tatt opp på ein av dei gamle gradane søkja om overgang til graden PhD uavhengig av når dei vart tatt opp. Tidsramma for PhD-studiet er to år i tillegg til normert tid (PhD-forskrifta § 11) med mindre avdelinga har vedtatt eigne reglar.

Siste dato for tildeling av gradane dr.art., dr.juris., dr.med., dr.polit., dr.psychol. og dr.scient er måndag 30. juni 2008.

Studentar på ein grad som er under utfasing som eventuelt ikkje har disputert innan fristen får høve til å ta graden PhD dersom vilkåra elles er oppfylte. Ved slik overgang gjeld den utdanningsplanen som er avtala for studenten, medan reglane om innlevering, vurdering og disputas i PhD-forskrifta gjeld.