|
Overgangsstipend hausten 2006
Vi lyser med dette ut midlar til overgangsstipend for hausten 2006.
Overgangsstipendet blir tildelt av universitetet sentralt og blir utbetalt via det fakultetet der søkjaren høyrer heime. Eit av siktemåla med stipendet er å syte for at det er eit tilbod om finansiering for kandidatar som vil søke/vente på avklaring om doktorgrads-/postdoktorstipend. Stipendet skal dekkje løn for ein periode på 3-5 månader. Det er to kategoriar av søkjarar som kan vere kvalifiserte til overgangsstipend:
1. Postdoktorkategorien Først og fremst er ordninga mynta på dugande forskarar som nett (det vil seie haust 2005/vår 2006) har disputert eller levert inn avhandlinga ved UiTø. I tillegg må søkjarar i postdoktorkategorien sende inn - Ei tilråding frå rettleiar/fagmiljø som grunngir støtte til søkjaren ut frå kvalifikasjonar, fagprofil, og planar på fakulteta. Den som skriv tilrådinga skal senda den på e-post til Frode.Nilsen@adm.uit.no
2. Doktorgradskategorien Søkjarar som er i ein overgangsfase mellom nett avlagt hovudfags- eller mastergradseksamen ved UiTø (avlagt eksamen våren 2006) og oppstart av doktorgradsutdanning kan søkje.
I tillegg til elektronisk søknadsskjema må søkjarar i doktorgradskategorien sende inn: - Utskrift av karakterar frå andre universitet enn UiTø. (Karakterar frå UiTø har vi alt lagra i vårt datasystem.)
- Ei tilråding frå rettleiar/fagmiljø som grunngir støtte til søkjaren ut frå kvalifikasjonar, fagprofil og planar på fakulteta. Den som skriv tilrådinga skal senda den på e-post til Frode.Nilsen@adm.uit.no
Kriterium Alle søkjarane blir vurderte i høve til desse kriteria, felles for begge kategoriar:
- satsingsområda til Universitetet i Tromsø
(les meir om satsingsområda.)
- sårbare fag - fag med rekrutteringsproblem - kjønn
- tidlegare fordeling mellom fakulteta
- tilråding frå rettleiar/fagmiljø
Særleg for postdoktorkategorien: - tilråding frå fagmiljø vil vere avgjerande
- at søkjarane har fullført doktorgradsutdanninga på fastsett tid
Særleg for dr.gradskategorien:
- karakterar, både frå hovudfag/master og lågare grad vil vere avgjerande
Send søknad Opprett søknad ved å klikke på knapp nedenfor: Frist for å registrere søknader var 16. juni 2006.
Søknadsskjemaet vert sendt Forsknings- og studieavdelinga når du trykkjer på knappen "Lagre" på nettsida med skjemaet.
Spørsmål om utfylling kan rettast til Frode.Nilsen@adm.uit.no eller Sølvi.Anderssen@adm.uit.no
|
