Informasjon kursstart MNF-8000

Frå 9. januar 2006 vert PhD-kurset MNF-8000, forskning og forskningsformidling arrangert, og i det høve kan det vera behov for litt informasjon kring opplegget. For program / fagleg opplegg viser me til professor Gunnar Hartvigsen sine heimesider.

Tid, stad og varighet
Forelesingane i kurset vert i sin heilskap halde ved Skibotn feltstasjon som ligg om lag 2 timars køyring unna Tromsø (130 km). Feltstasjonen ligg nydeleg til med flott utsikt mellom anna til Lyngsalpane. Kursstart er måndag 9. januar 2006 og varer fram til fredag 13. januar 2006. Det er obligatorisk oppmøte og det vert ført oppmøteprotokoll.

Transport / overnatting / prisar
Dersom det er behov for det vert det lagt til rette for transport frå Tromsø til Skibotn måndag 9. januar og med retur attende til Tromsø fredag den 13. januar. Nærare informasjon om dette vil de få etter kvart.
Ved Skibotn feltstasjon vert de innlosjerte i hytter. Stasjonen har 35 sengeplasser i 2,3 og 4 sengs rom, fordelt på 3 hytter (A,B,C) med ialt 14 soverom. Alle hyttene har vaskerom med dusj og turkeskåp.

Pris for opphaldet ved Skibotn feltstasjon vert om lag 2.000 kroner per person og inkluderer frukost, lunsj og middag, samt leige av sengetøy. Universitetet i Tromsø dekkjer ikkje reisekostnader og utgifter til overnatting. (For doktorgradsstudentar ved mat.nat.fakultetet ved Universitetet i Tromsø vil fakultetet dekkje opphold ved Skibotn feltstasjon (med atterhald om godkjenning ved fakultetet)). I tillegg kjem utgifter for transport Tromsø - Skibotn (T/R). For dei som er i studentkategori 4 (sjå under) må semesteravgifta vere betalt. Deltakarar som ikkje er registrerte doktorgradsstudentar må rekna med ei deltakeravgift for dekning av utgifter til materiell på om lag 200 kroner.
 
Opptak til MNF-8000
Samtlige som ynskjer å ta emnet må søkja opptak til emnet. Dette må gjerast på skjemaet Opptak til PhD-kurs ved Universitetet i Tromsø. Opptaksskjemaet fungerer også som oppmelding til eksamen. Kurset er avgrensa til 30 studieplassar. For opptak til PhD-emner vert det operert med 4 ulike studentkategoriar. Når du fyller ut skjemaet må du oppgi kva kategori du er i og syte for å leggje ved den dokumentasjonen som krevst for denne. Dette er viktig.

Søknadsfrist for opptak til MNF-8000 er 1. desember 2005.

• Kategori 1: Personar tekne opp på PhD-program ved UiTø. Studentar i denne kategorien slepp å betale semesteravgift. Studentane er alt registrert i FS ved UiTø, og treng difor ikkje leggje ved dokumentasjon på sine kvalifikasjonar.


• Kategori 2: Personar som er tilsett i stipendiatstilling ved UiTø, men som enno ikkje er tekne opp på PhD-program. Studentar i denne kategorien slepp å betale semesteravgift. Studentane må leggje ved stadfesta kopi av tilsetjingsbrev.


• Kategori 3: PhD-studentar frå andre universitet. Studentar i denne kategorien slepp å betale semesteravgift. Studentane må leggje ved stadfesting frå heimeinstitusjon på at dei er tekne opp på eit PhD-program.


• Kategori 4: Personar med minimum avlagd mastergrad (eller tilsvarande) som ikkje er tekne opp på PhD-program. Deltakarar i denne kategorien må ha betalt semesteravgift ved UiTø (og eventuell kursavgift). Studentar i denne kategorien må leggje ved stadfesting (i form av stadfesta kopi) på (minimum) bestått mastergradsstudie.