Suohkan sáhttá erenoamáš oktavuođain, vaikko vel sosiálabálvaluslága § 5-1 eavttut eai devdojuvvo ge, addit ekonomalaš veahki sutnje guhte dan dárbbaša vai nagoda heivehit iežas ja birget váttis eallindilis. Sosiálabálvaluslága § 5-2 ii čilge dađi dárkileappot goas dán veahki galgá addit, ja vuoigatvuohta oažžut veahki dán paragráfa olis ii leat nu nanus. Njuolggadus rahpá vejolašvuođa juolludit veahki goluid ovddas mat eai oro dárbbašlaččat birgejupmái, dahje dilálašvuođain mat sáhttet vearáskit jus veahkki ii addo, ja go lea dáhttu movttiidahttit dihto doaimmaide dahje álggahit dihto doaimmaid.
Sosiálabálvalus sáhttá ovdamearkka dihte juolludit doarjaga iešguđetlágán kurssaide ja astoáigedoaimmaide § 5-2 olis.
Ohcan ja váidda
Ohcan sáddejuvvo suohkanii. Fylkkamánni lea váidinásahus. Váidda ovddiduvvo suohkanii. Ovdal go suohkan hilgu ekonomalaš veahki ohcamuša § 5-1 olis, de galgá árvvoštallat galgá go ohcci veahkehuvvot lága § 5-2 olis.
Liŋkkat
Maŋemus rievdaduvvon 23.3.2004
|
 |
|