Stáhta dearvvašvuođageahčču lea čoahkkáigeassán fylkkamánniid raporttaid sosiála bálvalusaid geahčus jagiin 2003 ja 2004. Geahčču lea čađahuvvon sihke systemarevišuvdnan 116 suohkanis ja ovttaskas báikkiid geahčadeapmin Báikkis geahčadeapmi lea vuosttažettiin bearráigeahčču das ahte bággendoaimmat čađahuvvojit dohkkehuvvon mearrádusaid mielde. Čoahkkáigeassu čájeha ahte go geahččoeiseválddit leat guorahallan sosiála bálvalusaid, de leat vuosttažettiin árvvoštallan veahkkedoaimmaid ja bálvalusaid psyhkalaš doaimmashehttejuvvomiidda ja bearrašiidda main leat doaimmashehttejuvvon mánát. Fuomášupmi lea maiddái giddejuvvon dasa movt suohkanat leat čađahan bággema ja fápmogeavaheami psyhkalaš doaimmashehttejuvvomiid guovdu.

 

Guorahallon veahkkedoaimmat leat ruovttubálvalusat nugo geavatlaš veahkki, oahpaheapmi, helpen, doarjjaolmmoš ja fuolahusbálká. Dán raportta vuođđun leat vuosttažettiin dáid geavaheaddjejoavkkuid vásáhusat.

 

Suohkaniin lea ain buoridanmunni bálvalusaid stivrejumi dáfus, ja fertejit čađat bargat buoridemiid guvlui. Ollu suohkaniin váilot rutiinnat mat sihkkarasttáše geavaheddjiid vuoigatvuođaid dalle go suohkan juolluda, rievdada ja álggaha bálvalusaid. Oahpaheami dáfus leat valjit doaimmat, muhto dieđihuvvon leat maiddái váilevaš systemáhtalaš doaimmat mat sihkkarasttáše ahte bargiin leat doarvái dieđut ja máhtut guoskevaš fágasurggiin ja bálvalusain maid doaimmahit.

 

Suohkaniid dábit geavaheddjiid ektui geaid dáfus leat dohkkehuvvon mearrádus geavahit bákku ja fámu leat dábálaččat lága gáibádusaid siskkobealde. Orru almmotge leame ágga fuolastuvvat das go bággen ja fápmogeavaheapmi čađahuvvo maiddái almmá čuovvoleami haga nugo lága mearrádusaid mielde galggašii.
 
Viečča raportta (Pdf)
Summary in English