2004:s čađahedje fylkkamánnit geahču 58 suohkanis, oassin riikkaviidosaš geahčus suohkanlaš sosiálabálvalusain gárrenmirkogeavaheddjiide. Iskojuvvui man muddui suohkanat sihkkarastet sosiálabálvalusaid gárrenmirkogeavaheddjiide. Dan oktavuođas guorahalai geahčču man muddui suohkanat sihkkarastet
- dieđuid, rávvagiid ja neavvagiid mat sáhttet leat mielde čoavdime dahje
eastadeame sosiála váttisvuođaid
- sosiála bálvalusaid, dás maiddái geavatlaš veahki ja oahpaheami,
doarjjaolbmo ja saji fuolahusásahussii, mii lea heivehuvvon nu ahte bálvalusat
- leat duohta ja olahahtti fálaldahkan gárrenmirkogeavaheddjiide
ahte gárrenmirkogeavaheaddjit geat ohcet sosiála bálvalusaid ožžot
fálaldagaid mat čuvvot sosiálabálvaluslága mearrádusaid
ovttaskasmearrádusaid birra.
- ahte gárrenmirkogeavaheddjiide geat dárbbašit orrunsaji fállojuvvo gaskaboddosaš orrunsadji mii deavdá dási unnimusgáibádusaid
- ahte gárrenmirkogeavaheaddjit divššu vuolde čuvvojuvvojit ságastallamiid bokte ja ruovttugalledemiid bokte
- ahte gárrenmirkogeavaheaddjit čuovvoluvvojit ásahusain orodettiin ja ahte leat lágiduvvon dárbbašlaš doaimmat go guđđet ásahusa
Gárrenmirkogeavaheddjiid spesialiserejuvvon fágaidrasttideaddji divššu ovddasvástádus šattai 2004 rájes stáhta ovddasvástádussan, dearvvašvuođadoaimmahusaid olis. Eanas gárrenmirkogeavaheaddjit eai leat dikšundoaimmain, ja oallugat sis sáhttet dárbbašit iešguđetlágán suohkanlaš veahkkedoaimmaid. Sosiálbálvaluslága mearrádusat sihkkarastet ahte buohkat geat dárbbašit ožžot dárbbašlaš veahki. Dán geahču oktavuođas guorahallui sihkkarastet go suohkanat sosiála bálvalusaid gárrenmirkogeavaheddjiide, vai sin dilli ii šatta menddo váilevaš ja eahpesihkar.
Geahču olis lea čájehuvvon ahte sosiála bálvalusat unnán fállojuvvojit gárrenmirkogeavaheddjiide. Nu eai šatta bálvalusat danin deaŧalaš gaskaoapmin go livčče jurddašuvvon sihkkarastin dihte gárrenmirkogeavaheddjiide sosiála oadjebasvuođa ja buriid eallindilálašvuođaid.
Ollu báikkiin gos bálvalusat leat fállun, dat liikká eai geavahuvvo dan dihte go leat buorebut heivehuvvon boarrásiidda ja doaimmashehttejuvvomiidda go gárrenmirkogeavaheddjiide. Dilálašvuohta lea veahá buoret rávven- ja bagadallanbálvalusaid, gaskaboddosaš orrunsaji ja divššohasaid čuovvoleami dáfus, muhto maiddái dákko čájeha geahčču ahte máŋgga suohkanis lea váilevaš bálvalus.
Maŋemus ođastuvvon 28.2.2005