Almmolaš bátnedikšunbálvalus vuoruhuvvon joavkkuide, bargiidlohku ja Fylkkaid Dearvvašvuođageahčuid raporteren bátnedearvvašvuođabálvalusa birra.

Dát raporta lea goalmmát raporta man Stahta dearvvašvuođageahčču addá Norgga bátnedikšunbálvalusa birra. Raporta čuvge vuosttažettiin Almmolaš bátnedearvvašvuođa-bálvausa viidodaga daidda joavkkuide maid fylkkagielda galgá vuoruhit bátnedearvvašvuođa-lága mielde. Guokte ovdalaš raportta čájehedje ahte fylkkaid gaskka ledje stuora erohusat, ja dat dagahii ákka ballat ahte máŋgga fylkkas eai ožžon vuoruhuvvon joavkkut dan fálaldaga masa livččii vuoigatvuohta. Almmolaš statistihkat bátnedearvvašvuođa birra čájehit ahte ain leat stuora erohusat fylkkaid gaskka:

• Boarrásiid, guhkesáigge buhcciid ja lápmásiid lohku ásahusain, mat gullet Almmolaš bátnedearvvašvuođa geahču vuollái lea 55 % Aust-Agderis ja 99 % Opplánddas.
• Almmolaš bátnedoaktáris dahje bátnedikšus Vest-Agderis leat gaskamearálaččat 1 400 divššohasa geahču vuolde. Finnmárkkus leat almmolaš bátnedoakáris dahje bátnedikšus sullii 550 divoššohasa geahču vuolde.
• Davvi-Trøndelágas, Opplánddas ja Akershusas lea bargiid lohku oalle ovttaládje. Oassi ollesagi olbmuin geat leat Almmolas bátnedearvvašvuođa geahču vuolde, lea 14,6 % Davvi-Trøndelágas, 6,5 % Opplánddas ja 0,3 % Akershusas.

Addá go statistihkka bonju gova duohtavuođas, boasttu gálduid geažil dahje jus doahpagat dulkojuvvojit iešguđetládje?

Sáhttet go geográfalaš, ekonomalaš, dearvvašvuođalaš, sosiála dahje kultuvrralaš dilálašvuođat čilget erohusaid?

Devdet go juohke fylkka fylkkagielddat iežaset geatnegasvuođaid bátnedearvvašvuođalágas buohkaid guovdu vuoruhuvvon joavkkuin, leat go fálaldagat iešguđetlágánat dan mielde gos riikkas olmmoš ássá?

Dát leat gažaldagat maid Stáhtá dearvvašvuođageahčču háliida čuvget ja guorahallat dán raporttas.

Viečča raportta (Pdf)
Summary in English

Maŋemus ođastuvvon 8.11.2005