Stáhta dearvvašvuođageahču ovddas lea prehospitála fáhkkamedisiinna Natiovnnalaš gelbbolašvuođaguovddás (NAKOS) iskkadan movt fáhkkamedisiinnalaš doaibma čađahuvvo dan rájes go dieđihuvvo fáhkkamedisiinnalaš gulahallanguovddážii (AMK) ahte jámálgan olmmoš lea gávdnon, dassážii go ambulánsabálvalus lea loahpahan barggus.
Raporta lea guovtti oasis: Dearvvašvuođageahčču árvvoštallá iskkadeami bohtosiid ja NAKOS raporta.
NAKOS-raportta bohtosat čájehit ahte AMK lea ásahan buriid vuogádagaid ja njuolggadusaid mat galget čuvvojuvvot ja maid bargit ja jođiheaddjit oaivvildit čuvvojuvvojit go fáhkkaveahkki dárbbašuvvo. Liikká oaidná gehččojuvvon journálain ahte AMK maŋgga dáhpáhusas ii leat dahkan dan maid lohket iežaset dahkat. Maŋgga oktavuođas go fáhkkaveahkki lea bivdojuvvon, de ii leat AMK oččodan doarvái dieđuid buohcci deaŧalaš heaggadoaimmaid birra dasa ahte livččii doarvái bures diehtán makkár veahkki livččii dohkálaš. Bohtosat dovddahit maiddái ahte soaitá leat dárbbašlaš ahte AMK ja polesat ásahit buoret ovttasbargovuogádagaid dasa go medisiinnalaš fáhkkaveahkki bivdojuvvo.
Iskkadeapmi ii muital maide das gieđahallojuvvojit go dáhpáhusat gárrenolbmuid guovdu earaládje go jámálgeapmi eará sivaid geažil, muhto eai mis leat dakkár dieđut ge mat attáše ákka čuoččuhit ahte nu geavvá.
Eaktuduvvo ahte ovddasvástideaddji eaiggádat ja čađaheaddjit fuolahit ahte vuogádagat ja rutiinnat guorahallojuvvojit ja buoriduvvojit jus lea dárbu ja ahte lágiduvvo nu ahte lea vejolaš ávkkástallat oahppanvejolašvuođaid mat gávdnojit.
Maŋemus ođastuvvon 14.6.2006
|