|
Jagis 2005 leat dihtosis 1 902 dáhpáhusa maid lei geatnegasvuohta dieđihit fylkka Dearvvašvuođagehččui, spesialistadearvvašvuođabálvaluslága § 3-3 mielde (dihtosis pr. čakčamánu 1. beaivvi 2006).
2001 rájes 2004 rádjá lassánedje dieđiheamit 59 proseanttain. Lassáneapmái 2003 rájes 2004 rádjái lei 19 proseanta, muhto de fas lei 6 proseanta unnun 2004 rájes 2005 rádjái.
Sullii goalmmátoassi dieđihemiin (34 proseanta) leat mearkkašahtti persuvdnavahágat ja badjel bealli (52 proseanta) guoskkai dilálašvuođaide mat livčče sáhttán dagahit mearkkašahtti persovdnavahágiid.
Leat 191 eahpelunddolaš jápmima dieđiheami. 51 proseanttas dáin lea gávnnahuvvon ahte jápmin dáhpáhuvai divššodettiin, ja 26 % jápmimiid sivvan lea gávnnahuvvon dáhpáhuvvan iežas dagaheami geažil.
Čieža proseanta dieđihemiin lea riegádahttimiid oktavuođas. 79 proseanttas dain dieđihemiin mat gullet riegádahttimiidda, guske eadnái ja 21 proseanta mánnái.
Dušše okta proseanta dieđihemiin guoskkai dáhpáhusaide vara, varrabuktagiid ja varrasirdima hárrái. Ii oktage dáin guoskan eahpelunddolaš jápmimii.
14 proseanta dieđihemiin guske dáhpáhusaide psyhkalaš dearvvašvuođasuodjalusas, ja 63 proseanta dáin gulle iežasdagahan vahágiidda, namalassii iežas roasmmuhuhttimii, iešsorbmemii ja go iežas lei viggan sorbmet.
Ollu dieđihangeatnegas dáhpáhusat eai leat vuos dieđihuvvon. Buori pasieantasihkarvuođabarggus lea eaktun ahte lea rabasvuohta sávakeahtes dáhpáhusaid, vahágiid ja goasiivahágiid birra. Eaktun leat maid ahte gávdnojit systemáhtalaš dieđut dáid birra. Dása dárbbašuvvo buorre dieđihanvuoigŋa, ja ahte jođiheaddjit gáibidit sytemáhtalaš barggu ja fuomášuhttet dan dehálašvuođa.
Maŋemus ođastuvvon 26.5.2006
|