Omkom i klatreulykke
To tidlegare studentar ved Høgskolen i Telemark i Bø, Jørgen Landsverk (28) frå Lyngdal og Vegard Andreas Hjorthaug (24) frå Hobøl, omkom i helga i ei klatreulykke i nærleiken av Alicante i Spania.
Begge var inntil nyleg studentar ved høgskolen, og var gjennom fleire år aktive i Klatregruppa i Bø. Masterstudenten Jørgen Landsverk har også vore nytta som timelærar ved Høgskolen i Telemark.
- Dette er ei tragisk ulykke. Begge var erfarne klatrarar som var ansvarsbevisste og dyktige, seier nestleiar Marianne Singsaas i Klatregruppa i Bø til VG Nett.
Dei to budde også framleis i Bø.
Dei to omkomne var på privat tur til Spania for drive sportsklatring i det populære fjellområdet Sierra de Bernia.
De blei funne omkomne søndag etter at dei dro ut på klartetur sist fredag.
Tysdag ettermiddag blei det halde ei minnestund ved Høgskolen i Telemark for dei to omkomne.
- - Ufattelig at det ble sånn (VG Nett)