|
Er du interessert i samfunnsspørsmål? Då vil bachelorstudiet i planlegging og administrasjon gi deg eit godt grunnlag for å arbeide med samfunnsutvikling, forvaltning og administrasjon.
Tidlegare studentar som har fullført dette studieprogrammet arbeider i dag på ulike felt i forvaltninga, til dømes som planleggjarar, næringskonsulentar, sakshandsamarar. Det er også mange tidlegare studentar som arbeider i privat og frivillig sektor.
Kort om programmet:
Bachelorstudiet gir brei innføring i samfunnvitskap, offentleg administrasjon og samfunnsplanlegging, og eit fagleg grunnlag til å drive med plan- og utviklingsarbeid, forvalte lover og regelverk i administrativ verksemd eller bruke geografi ske informasjons-system i planlegging og forvaltning. Sentrale fagområde i utdanninga er sosiologi, samfunnsplanlegging, økonomi, statsvitskap og jus og IKT. Utdanninga er dermed både tverrfagleg og yrkesretta.
Kva lærer du:
1. studieår
Fokus på samspelet mellom lokal- og storsamfunnet. Studiet gir ei brei innføring i samfunnsvitskaplege emne. Du kan avslutte studiet etter første studieåret (årsstudium i samfunnsvitskap).
2. studieår
Søkjelyset vert retta mot offentleg forvaltning og planlegging. Dei to første studieåra skal til saman gi deg ei brei innføring i forvaltning og samfunnsplanlegging med tanke på vidare studium, men kvalifi serer også for sakshandsamarstillingar i offentleg sektor.
For dei som ønskjer å avslutte etter to år, kan du få utskrive vitnemål som Høgskulekandidat i offentleg administrasjon. Merk! Dette gjeld ikkje studentar som ønskjer å ta fordjuping i geografi ske informasjonssystem (GIS). Dei startar på fordjupinga i 4. semester ved Høgskulen i Ålesund.
3. studieår
Det tredje studieåret har ulik profi l alt etter kva fordjuping du vel. Gjennom utarbeiding av bacheloroppgåva får du hjelp til å aktivisere eigne erfaringar, arbeide med relevante omgrep, teoriar, modellar og forskingsresultat og presentasjon.
Oppbygging og gjennomføring:
Utdanninga er fl eksibel, og du kan leggje opp til ulike bachelorløyper etter kva du er interessert i.
Alternative bachelorløyper:
- Bachelor i planlegging og administrasjon, med fordjuping i regionalt utviklingsarbeid, gjev deg eit allsidig grunnlag for å arbeide i offentleg sektor, med vekt på saksbehandling og utviklingsoppgåver innan samfunnsplanlegging og næringsretta planlegging.
- Bachelor i planlegging og administrasjon, med fordjuping i geografi ske
informasjons system, kombinerer forvaltnings- og planleggingsemne ved HVO med studium ved Høgskulen i Ålesund i bruk av geografi ske informasjonssystem (GIS), verktøy som vert meir og meir brukt i fysisk planlegging.
- Bachelor i planlegging og administrasjon, med fordjuping i offentleg rett gjev deg eit godt grunnlag for å arbeide med sakshandsaming og administrasjon
i offentleg sektor. Dei fleste emna i studiet kan takast separat og kan nyttast som del av anna utdanning eller som etter- og vidareutdanning. Nokre emne går òg som nettstudium.
Undervisninga er organisert som ein kombinasjon av førelesingar, gruppearbeid, presentasjon og drøfting i plenum. Det blir lagt vekt på praktiske øvingar undervegs, og både individuelle og gruppebaserte prosjektarbeid er mykje brukt i studiet.
Utanlandsopphald:
4. semester i bachelorstudiet er valfritt. Det betyr at du dette semesteret til dømes kan leggje inn eit utanlandsopphald i studiet ditt. Dei 30 studiepoenga
du skal ta dette semesteret kan du velje fritt. IPA har kontakt med utdanningsinstitusjonar i Storbritannia og Irland, og du kan også få hjelp til å fi nne aktuelle studium i andre land.
Vegen vidare – jobb og studium:
Med bachelor i planlegging og administrasjon har du eit godt grunnlag for karriere i offentleg forvaltning, som administrativ leiar, leiar av utviklingsarbeid, sakshandsamar og planleggjar. Vi ser og at fl eire fi nn seg arbeid med leiing og administrasjon i privat og frivillig sektor, medan andre nyttar utdanninga som grunnlag for arbeid innan journalistikk og informasjonsarbeid.
Utdanninga kvalifi serer for opptak til Mastergradsstudiet i samfunnsplanlegging ved HVO og andre mastergradsstudium i Noreg eller i utlandet.
|
