For søkjarar / Studietilbod / Internasjonalisering

Heime bra, men borte best?

Samfunnet vårt vert stadig meir internasjonalisert, og internasjonal kompetanse vert dermed meir etterspurd. Høgskulen i Volda tar konsekvensen av dette og hjelper deg gjerne ut i verda!

Internasjonalisering 

Kvalitetsreforma slår fast at alle som ønskjer det, skal få mogelegheit til å opphalde seg ved ein lærestad i utlandet som ein del av graden.

Som student ved Høgskulen i Volda har du mange mogelegheiter til å ta delar av studia dine ved ein utanlandsk høgskule/universitet etter første studieår.

Eit slikt delstudium kan vare i 3-12 månadar og skal inngå som ein del av graden din ved HVO. Om du vil til Malawi, Kina, USA, Australia, Nord-Irland eller til eit av våre naboland er opp til deg. Dette er berre nokre av dei landa vi kan freiste med utveksling til. Høgskulen i Volda deltek i ei rekkje utvekslingsprogram med utvekslingsavtalar innan Erasmus for EU-land, Nordplus for dei nordiske landa og vi har bilaterale avtaler i andre verdsdelar.

Som utvekslingsstudent får du kjennskap til eit nytt land, du får innsyn i eit anna språk og ein annan kultur, du får nye perspektiv på livet og du får høve til å studere fag som kanskje ikkje finest her heime. Samstundes får du vise at du er sjølvstendig, initiativrik og at du er open for nye impulsar.

Eit utanlandsopphald vil også kunne gje deg stort fagleg utbyte, og internasjonal erfaring som vil vere svært viktig når du skal søkje jobb.

Erasmus

Dersom du vil studere i eit EU-land, er det attraktivt å reise gjennom Erasmus.

HVO har avtaler med ein rekkje europeiske universitet, og porteføljen er aukande. Går du inn på www.hivolda.no og klikkar i menyen for ”Internasjonalisering” finn du ei oversikt over dei samarbeidsinstitusjonane vi har på dei ulike fagområda. I tillegg har vi ein rekkje andre bilaterale avtaler, der HVO studentar vert tilgodesett.

Eit Erasmusopphald må vare i minimum tre månadar, og maks tolv. Dersom du skal studere eit heilt år, må du starte i haustsemesteret. Dersom du er heldig å få eit Erasmusopphald

får du: 

- Erasmus-stipend på ca. kr. 1.500 per månad

- Hjelp av vertsuniversitetet med å skaffe bustad

- Ta del i introduksjonsprogram og språkkurs

Du treng ikkje å betale studieavgift ved vertsuniversitetet, og du kan få dekt utgifter til førebuande språkkurs.

Nordplus

Dersom du ønskjer å studere i Norden, løner det seg å dra gjennom det nordiske

utvekslingsprogrammet Nordplus. Nordplus er satt saman av faglege nettverk mellom dei nordiske høgskulane og universiteta, og under internasjonalisering på www.hivolda.no finn du ei oversikt over nettverka der HVO er med.

Får du innvilga eit Nordplus-opphald får du: 

- Nordplus-stipend på ca. kr. 1.500 per månad

- Hjelp av vertsuniversitetet med å skaffe bustad

- Ingen studieavgift

Ta kontakt med internasjonalt kontor så hjelper vi deg ut i verda!

Men uansett kor du har tenkt deg så løner det seg å starte tidleg!

Sjølve prosessen fram mot eit delstudium i utlandet kan ta tid, alt etter kor du ønskjer deg. I tillegg til søknadsfrist er det gjerne også fristar for å søkje stipend og for å ta språktestar. Internasjonalt kontor hjelper deg, men det er viktig at du stiller førebudd og har tenkt gjennom følgjande:
 

Skriv ut