|
Avdeling for humanistiske fag og lærarutdanning har mange spennande studietilbod for deg som ønskjer å ta lærarutdanning eller fagstudium.
Vi kan tilby ei rekkje studium innan dei humanistiske faga norsk og engelsk, realfaga matematikk og naturfag, heimkunnskap, pedagogikk, spesialpedagogikk og KRL /kyrkjefag. Mange av faga er tilgjengelege som nettstudium eller nettbaserte studium. Avdelinga tilbyr mastergradsstudium, bachelorstudium, årsstudium og halvårsstudium. Det er også mogleg å ta frie emne innan nokre fagområde.
Barnehage, grunnskule og vidaregåande opplæring treng fagpersonar med solid profesjonell kompetanse på mange område. Avdelinga gjev utdanning som kvalifiserer for denne type arbeid: Førskulelærarutdanning, praktisk-pedagogisk utdanning og allmennlærarutdanning.
Søkjarar kan vurderast og takast opp på grunnlag av generell studiekompetanse eller realkompetanse. Nokre av studia har særlege opptakskrav/forkrav.
|
