Gjenlyd - eit debattforum

Stipendiat Astrid Kvalbein er leiar for Gjenlyd, og tar med glede imot idear til tema, ris og ros på gjenlyd@nmh.no. Foto: Jarle Nyttingnes

Tidlegare Gjenlyd

5. oktober 2007 - Om kjønneroller i musikken 

Er samtidsmusikken stadig den vestlege mannens domene? Oppfattar vi framleis asiatiske, afrikanske og latinamerikanske musikkuttrykk som "eksotiske andre" i forhold til dei vestlege? Og (kvifor) er kvinna stadig "det andre kjønn"?

I panelet
Vu Nhat Tan, komponist, lyd- og performancekunstnar
Amelia Cuni, dhrupad- og samtidsmusikksongar, artist og komponist
Erik Steinskog, førsteamanuensis i musikkvitskap på Griegakademiet i Bergen

16. november 2007 - Skapande læring

Skapande læring. Kva slags lærarar og kunstnarar treng vi for å realisere den nye strategiplanen for kunst og kultur i opplæringa? Før han gjekk av som kunnskapsminister, signerte Øystein Djupedal (SV) Skapende læring, ein strategiplan som tar sikte på å styrke dei estetiske faga som funksjon i grunnskole, kulturskole og høgare (lærar)utdanning.

I panelet
Eirik Birkeland, rektor ved Noregs musikkhøgskole
Magne Espeland, førsteamanuensis i musikk ved høgskolen Stord/Haugesund
Berit Konstad Graftås, fagleg leiar ved kulturskolen på Tolga
Astrid Holen, sekretariatsleiar for Den kulturelle skolesekken
Rolf Reikvam, stortingspolitikar for SV

1. februar 2008 - Digital eller død?

Digital eller død er namnet på diskusjon om konsekvensar av den digitale revolusjonen på musikkfeltet. Musikkbransjen blomstrer og smal musikk har alt å vinne på formidling via nettet. Nokon har nok med kunsten sin og synest det er harry å markedsføre seg på internett. Er gratis fildeling bra eller ikkje?

I panelet
Mats Claesson, førsteamanuensis i musikkteknologi på Noregs musikkhøgskole
Tellef Øgrim, musikar og internettskribent i Dagens Næringsliv
Erik Brataas, dagleg leiar i Phonofile

28. mars 2008 – Om Stjernøutvalets rapport

Er det samanheng mellom storleik og kvalitet på forsking og utdanning? Vil ny organisering ivareta, fremme eller svekke dei framragande forskingsmiljøa? Korleis blir kunstutdanninganes stilling og eigenart tatt vare på innanfor høgare utdanning? Gudmund Hernes var ein av innledarane og journalist Andreas Hompland hadde eit slags skråblikk på temaet.

I panelet
Gerd Janne Kristoffersen, nestleiar Kyrkje-, utdannings- og forskingskomiteen på Stortinget (Ap)
Karl Otto Ellefsen, rektor Arkitektur- og designhøgskolen i Oslo
Ragnar Winther, professor Universitetet i Oslo 
Rektor på Musikkhøgskolen Eirik Birkeland