Rundskriv nr. 3 / 31. mai 2007
Justeringar i vilkåra som gjeld når bankane set inn og tek ut kontantar i Noregs Bank: Pakking av myntar og ikkje resirkulerbare setlar, ekspedisjonsavgifter
Til
Bankar, bankforeiningane
[BOKMÅL]
Pakkemåtar
Med verknad frå 1. juli 2007 blir det gjort endringar i vilkåra som gjeld når bankane set inn og tek ut kontantar i Noregs Bank, pkt. 1.4.2 og 3.2. Justeringane inneber ingen pålagde endringar, men medfører at bankane får eit tilleggsval i pakkemåten for myntar og ikkje resirkulerbare (slitne) setlar:
Bankane kan velje å setje saman éin myntpakke (fem flak à seks rullar) ved hjelp av gjennomsiktig plast (krympe-/vakuumplast) i tillegg til dagens ordning med strappeband. Plastpakkinga må utførast på ein slik måte at pakkane kan stablast stabilt i høgda eller på pall. Fem pakkar utgjer som før éi standardeining.
Vidare kan bankane velje å leggje 10 pakkar à 500 slitne setlar i éin forseglingspose. Dette alternativet kjem i tillegg til dei som ligg føre i vilkåra i dag. Forseglingsposen skal vere gjennomsiktig og merkjast som før (med «X» eller «IR»; innleverande bank og/eller kven som har pakka eininga, skal òg gå fram).
Ekspedisjonsavgift
Med verknad frå 1. juli 2007 blir ekspedisjonsavgifta for innskot og uttak ved sentralbankdepota i Noregs Bank justert. Ekspedisjonsavgifta er fastsett slik at ho skal dekkje kostnadene for Noregs Bank med det arbeidet depotforvaltaren utfører i samband med innskot og uttak av «gode» setlar og myntar.
Avgifta blei sist justert 1. mai 2005. Seinare er det gjort omfattande endringar i depotstrukturen, og kostnadskalkylane for depotforvaltninga er justerte tilsvarande. Ekspedisjonsavgiftene må justerast i tråd med desse endringane.
Ekspedisjonsavgifta blir frå 1. juli i år:
| Ekspedisjonsavgift/gebyr |
Utrekningsgrunnlag |
Pris (1) |
| Avgift per ekspedisjon |
Innlevering
Setlar, per ekspedisjon
Mynt, per ekspedisjon
Utlevering
Setlar, per ekspedisjon
Mynt, per ekspedisjon |
Kr 150,–
Kr 150,–
Kr 150,–
Kr 150,–
|
| Avgift, volumavhengig del |
Innlevering
Setlar, per pakke à 500 setlar
Mynt, per standardeining (150 rullar)
Utlevering
Setlar, per pakke à 500 setlar
Mynt, per standardeining (150 rullar (2)) |
Kr 10,–
Kr 50,–
Kr 10,–
Kr 50,–
|
| Gebyr (3) , feilsortering, feil i innlevering |
Innlevering
Innleveringar der vilkåra/retningslinjene for pakking og sortering ikkje er følgde
Falsk setel |
Kr 0,–
Kr 0,– |
Fullstendige vilkår som gjeld når bankane set inn og tek ut kontantar i Noregs Bank, er å finne på Internett-sidene våre.
Endringane som er nemnde i dette rundskrivet, blir tekne inn i vilkåra og lagde ut på Internett-sidene fredag 29. juni 2007.
Fotnotar:
1) Prisane gjeld ikkje avgiftsfrie bytetransaksjonar, jf. pkt. 5.3 i vilkåra.
2) I ein overgangsperiode gjeld prisane òg for utlevering av femkroner / 100 rullar og femtiørar / 200 rullar, jf. pkt. 3.2 i vilkåra.
3) Eventuelle gebyr blir innførte seinare.