Gos sámi fonttaid ja eará dihtorčovdosiid gávdnat

• Sámegiela standárda Windows XP:s

Sámegiella lea čavčča rájes 2004 standárda válljenvejolašvuohta Microsofta Windows XP geavahanvuogádagas. Geavadis dát mearkkaša ahte sámegiel bustávaid ja formáhtaid sáhttá válljet buot prográmmain. Buot lea fitnodaga Service Pack 2 nammasaš páhkas, maid fertet vuos viežžat interneahtas ja bidjat iežat dihtorii.

Dát mearkkaša ahte buot Microsofta boahtteáiggi prográmmat dorjot sámegiela. Dattetge sáhtát ain vásihit váttisvuođaid go čálát sámegillii Outlook-kaleandaris dahje e-poastta bajilčalaruvttus, ja go čálát sámegillii dakkár prográmmain, maid ii leat Microsoft lágidan.

Fuomášan veara lea ahte sámi bustávat leat eará sajiin go ovddit boallobevddiin. Jus áiggut čállit á, de deaddelat Alt Gr ja a. Jus áiggut čállit č, de deaddelat Alt Gr ja c ja nu ain.

Eanet dieđuid sámegiela foanttaid birra (sihke ođđa ja boares veršuvnnat) gávnnat dás:

• Sámedikki neahttasiiddut
  
  
• samIT - Kompetanse i samisk språk og IT
  
  
• Trond Trosterud dáro/eŋgelasgiel siiddus giela ja IT birra leat olu ávkkálaš dieđut iešguđet sámi kodatabeallaid, boallobevddiid ja eará áššiid birra.

Kodatabeallat (UTF-8)
Mii leat ráhkadan moadde siiddu testema várás. Siiddut maiddái doibmet duođaštussan movt sámegiel web-siidduid sáhttá čállit (UTF-8).

• UTF-8 desimála
  
  
• UTF-8 hexadesimála

Movt min siidduid lohkat
Gitta 2002 rádjái ráhkadii Sámi dutkamiid guovddáš guokte variántta sámegiel siidduin: WS2-fonttaid ja Unicode várás. 2002:s ráhkadišgođiimet dušše sámegiel Unicode-siidduid.

Sámi dutkamiid guovddáža sámegiel siiddut leat dál dušše Unicode-siiddut. Mii geavahit Unicode dan dihte go de sáhtát lohkat sámegiela almmá vásedin sámegiel fonttaid haga. Jus dus lea boares dihtor, de fertet gal installeret Unicode-fonttaid mat čuvvot du Microsoft Windows veršuvnna.