Fáddáeahket:

1751 Lappekodisilla – ja dan áigeguovdilis mearkkašupmi

Áigi: Gaskavahkku čakčamánu 26. b. dii 1800-2000
Báiki: Árdna, universitehta sámi kulturviessu, Romssa universitehta.

Paneldigaštallan Lappekodisilla birra. Sámi allaskuvlla rektor historihkkár dr.philos. Steinar Pedersen ja Sámi Instituhta dutki jur.kand. Johan Strömgren doallaba álggahanovdaságaid. Digaštallama jođiha Else Grete Broderstad, hálddahusjođiheaddji, Sámi dutkamiid guovddáš.

Álggahanovdaságat ja digaštallan gieđahallet áššiid mat leat čadnon Norgga miellaguottuide Lappekodisillenii sihke historjjálaččat ja otná áigeguovdilis oktavuođas. Áššesuorgi rádjerasttildeaddji boazodoallu lea dehálaš duogážin digaštallamii. Dasa lassin digaštallat dárbbu ođđa dutkamii kodisilla birra.

Lágideaddjit: Sámi Instituhtta ovttasbargguid Sámi dutkamiid guovddážiin.

Geahppa guossoheapmi.

Bures boahtin!