Innleiing

Bjørn-Inge Larsen, direktør i Sosial- og helsedirektoratet.

Likevel står styresmaktene overfor store utfordringar i åra som kjem. Vi kan bli betre innanfor folkehelse og levekår, i utviklinga av helse- og sosialtenestene, i samarbeidet med andre sektorar og i kontakten med publikum og brukarane.

I året som gjekk, har Sosial- og helsedirektoratet utarbeidd Strategisk plan 2007–2010. Den viser korleis direktoratet ønskjer å møte utfordringane i og overfor sosial- og helsesektoren i Noreg dei nærmaste åra. Dei overordna måla våre er å betre kvaliteten i sosial- og helsetenesta, redusere forskjellane i helse og levekår, fremme faktorar som gir god helse i befolkninga, og betre grunnlaget for sosial inkludering for alle.

Parallelt med utarbeidinga av Strategisk plan har Sosial- og helsedirektoratet frå 1.7.2006 gjennomført ei omorganisering. Direktoratet er no organisert rundt dei fem verksemdsområda våre: folkehelse, levekår, sosial tenester, primærhelsetenester og spesialisthelsetenester. I tillegg har vi prioritert desse arbeidsområda: psykisk helse, rus, helseøkonomi og finansiering. Vi har innført divisjonar, og dei store avdelingane har vorte mindre. Desse endringane meiner vi er med på å skape ein meir tilgjengeleg og tydelegare organisasjon, og dei gjer at det blir lagt betre til rette for å arbeide koordinert og strategisk, til beste for både medarbeidarar og samarbeidspartnarar.

Årsmeldinga for 2006 tek utgangspunkt i verksemdsområda våre, slik dei er definerte i Strategisk plan. Under kvart område vil du finne eksempel på hovudaktivitetar som skal hjelpe oss til å nå måla våre, og som samtidig illustrerer mangfaldet i det store ansvarsområdet til direktoratet.

God lesing.

Via venstremenyen finner du artiklene i årsmeldingene, eller du kan bruke lenkene under:

Folkehelse og levekår

Sosiale tenester

Primærhelsetenester

Spesialisthelsetenester

Psykisk helse og rus

Helseøkonomi og finansiering

Det er laget en enkel versjon av Årsmeldinga 2006 i en PDF-versjon . Den er enklere fordi det i PDF-versjonen ikke er lenket opp til relevante artikler på nett, slik som det er i nettartiklene.