Tekkenisme
Åtvaring: Artikkelen kan virke upassande for folk
som ikkje er invidde i tekkenisme.
Bruksanvisning for artikkelen: Gå eder hen og motta
åpenbaring ved å spele Tekken 3 til augo dine
vert firkanta og du oppdagar at du prøver ut spelteknikk
i levande live på utestadar.
Då eg flytta inn i eit nytt kollektiv i fjor vart
eg introdusert til student-fenomenet Playstation. Personleg
var eg berre van med veslebroren min sin Nintendo, og var
nøgd med det, og trudde det var den sjefaste spelemaskina
der ute. Det skulle vise seg at eg tok feil. Min kjære
romkamerat fekk nesten sjokk då han fekk vite at eg
ikkje var playstationist og tekkenist, og satte seg som
mål å indoktrinere og hjernevaske meg til Playstation
og Tekken 3 sine gleder. Om han lukkast? Duh!
Og med Tekken 3-gospelet rungande i hovudet mitt oppdaga
eg at det ikkje berre var eit fenomen i kollektivet mitt,
men det dukka opp som samtaleemne både her og der,
i dei mest utenkelege krinsar. Langs det langstrekte land
og overalt i Bergensgatene møtte eg plutseleg folk
som snakka om Tekken. Det kunne vere to forbipasserande
som diskuterte kampeknikken til Jin Kazama, eller ei gruppe
ungdommar på Platon som planla å kjøpe
Tekken Tag (det forelaupig seinaste Tekken-spelet, som berre
finst på PS2, grr!) og starte turnering. Tekken var
overalt. Eg hadde tidlegare hatt ei liknande religiøs
erfaring då eg i ein aldar av 13 vart introdusert
til rollespel, men eg var liksom vaksen no, og slikt skal
liksom ikkje skje så ofte lenger. Og det var jo ikkje
berre meg: Eg har sett både pasifistar og rolege jenter
bli heilt hekta. Eg òg han eg bur med har utvikla
vår eiga kommunikasjonsform basert på Tekken,
og merkeleg nok forstår dei fleste andre Tekken-fantastar
sjargongen vår. Eit heilt eige fellesskap vert danna
på trass av kulturar og overtydingar. Tekkenismen.
Nært slektande på magicisme, men omfattar fleire
samfunnslag, og er meir utbreidd. Kva er det med dette ultravaldelege
slostspelet som er så fascinerande?
Om du ikkje har prøvd Tekken, så gå og
gjer det no. Sjå om du forstår kva det er med
dette spelet, og send meg ein e-post på ragabash@online.no,
slik at vi kan forklare fenomenet tekkenisme til massene.
Men inntil videre har Jin Kazama eit stevnemøte med
skjebnen. Paul Phoenix skal få gjennomgå. Once
again, Fate brings together those who heed the call...
Bjørn
