Krigskåte Kristin

I beste sovjetstil stilte Kristin Krohn Devold i militæruniform til fotografering for SAS-magasinet Scanorama. Bak overskrifta «War Minister», var det ein tydeleg stolt minister på framsida. Krig er fred, proklamerer Orwell i sin 1984. Forsvar er òg fred, og ein forsvarsminister burde etter den tanken vere den mest fredelege av dei alle. Tragisk nok er det lenge sidan ein forsvarsminister har vore så lysten på krig som Kristin Krohn Devold. Utelukkande pasifistar skulle vore forsvarsministrar. Grunnlova seier at statsminister og kyrkjeminister må vere medlem av Statskyrkja. Grunnlova burde seie at forsvarsminister, eller, lat oss vere like ærlege som SAS, krigsministeren, må vere overtydd pasifist.

Kva vil det føre til?

Krigsministeren vil ikkje kunne gje styrkane sine ordre om å gå til åtak. Til samanlikning har noverande forsvarsminister med fynd sendt norske styrkar til Afghanistan, der dei i følgje Forsvarsdepartementet har gjennomført nær 500 tokt. Tre gongar har dei droppa bombar. Sist gong vart det kommentert slik av den amerikanske oberst Robert King til Klassekampen: «Vi antar at de var Taliban-tilhengere». Heller ikkje vil ein pasifistisk minister kunne støtte krigen mot Irak indirekte, slik Krohn Devold gjer. Statsministeren slo dagen etter krigsstart fast for Stortinget at Noreg ikkje kunne støtte krigen. Men USA og Storbritannia får all den etterretningsinformasjon dei vil ha frå Noreg, og Krohn Devold er tydelegvis ikkje på same bølgjelengde som Bondevik: «Vi er ikke nøytrale. Vi støtter ikke krigen [...] Men vi er medlemmer i samme allianse, og kommer til å samarbeide på samme måte som før krigen startet» (Nationen 2. april).

Det kan nemnast at Krohn Devold, ifølgje NRKs Jahn Otto Johansen, omtalar forsvarsminister Donald Rumsfeld som «glitrende intelligent og interessant». Johansen skriv: «At hun legger til at Rumsfeld har en intelligent og sjarmerende kone, som om det skulle være uvanlig for en toppolitiker, er vel helst en sak for likestillingsombudet». Ein pasifist vernar ikkje landet med våpen og granatar. Men er det eit sakn? Verda er militarisert og blodig, og meir aggresjon er, du store allverda, ikkje kva vi treng. Ikkje eit einaste land truar Noreg militært. Den største fara Noreg står ovanfor, er å bli sett på som sympatisør av amerikanske invasjonsstyrkar. Difor er ein fredsminister naudsynt. Ein ekte fredsminister. Ikkje den Orwellske ministeren vi har i dag.

Studvest
følger saken:

Nytt
Studentsenter

Siste artikkel:
11. september 2002
Antall artikler: 10

Lånekassen

Siste artikkel:
11. september 2002
Antall artikler: 11

Kollektivrabatt

Siste artikkel:
18. september 2002
Antall artikler: 14