– UiB gjekk bak ryggen vår

Tekst: EIRIK MELING
eirik@studvest.no

	VIL HA SVAR. Utanlandske studentar i møte med UiB. Dei tre fremste frå venstre: Mahmoud Ladadweh, Chen Song og Xuguang Nie.

International Students’ Union (ISU) er kritiske til at Universitetet i Bergen aldri informerte om utleveringa av utanlandsstudentar til overvakingspolitiet.

Universitetet gjekk bak ryggen på oss når dei gav namna våre til overvakningspolitiet, seier nasjonal koordinator for ISU, Ruth Bett.

UiB inviterte tysdag ein del av dei utanlandske studentane ved UiB til praktisk orientering. Bett reiste på vegne av ISU spørsmålet om både utleveringa og det at studentane aldri fekk vite at namn og personalia vart registrert hos eininga for masseøydeleggingsvåpen i Politiets tryggingsteneste.

Frå før er den same informasjonen, om ikkje meir, registrert hos Framandpolitiet.

– MANGLAR INITATIV

	SKUFFET. Ruth Bett, nasjonal koordinator i ISU.

– Eg er skuffa over at UiB ikkje tar initiativ til å forklare situasjonen til oss, seier Bett. Ho fekk fyrst vite om utleveringa frå Studvest i januar. Då var det fleire månadar sidan tryggingstenesta fekk brevet med alle namna.

– Vi tar kritikken alvorleg, seier utdanningsdirektør ved UiB, Mette Myrmel Torrissen. Universitetet har endå ikkje tatt stilling til kva dei vil gjere neste gong tryggingspolitiet spør.

– Frå no av er det også lagt ut ei åtvaring på studentregistreringa (Student-Web) om at namn kan bli utleverte til PST om dei finn lovheimel til det. Det gjeld også norske studentar, seier Torrissen.

– Det ser ut som om UiB ikkje har ein overordna tanke om kor mykje dei kan samarbeide med tryggingspolitiet, meiner Bett.

 

Siste artikkel:
3. september 2003
Antall artikler: 42

Kollektivrabatten