Tjuvar stoppa filmvisinga
Mandag skulle Filmklubben gjera sitt tredje forsøk på å visa konspirasjonsfilmen «Dark Side of the Moon», men slik vart det ikkje. Rett før visinga sneik nokon seg inn i salen og stal filmframvisaren.
Tekst: BÅRD OPSANGER
– Alt var klart til visinga, eg sto i billettluka og plutseleg var
han berre borte vekk, forklarer filmsnurrar Torbjørn Helgheim fortvila.
Politiets hundepatrulje starta leiteaksjon etter filmframvisaren, då
det viste seg at nokre målarar hadde sett ein person springe mot
Nygårdsparken med ein søppelsekk under armen. Denne jakta vart seinare
avslutta utan resultat.
EIT MYSTERIUM
Torbjørn sjølv skjønner ikkje korleis nokon har fått med seg filmframvisaren.
– Eg sto rett ved inngangen, og naudutgangane skal det vera umogleg
å komme inn gjennom frå utsida. Eg skjønner det bare ikkje, seier han.
Han fortel at dette er tredje gongen dei prøver å visa filmen, utan å
lykkast.
– Kanskje CIA fucker opp for oss? spør han spøkfullt. Han håpar dei
no kan visa filmen gratis på Verftet, som ein kompensasjon for alle
problema.
Filmen er forøvrig ein kommentar om ein påstått konspirasjon mellom Stanley Kubrick og NASA.
FORSIKRA
– Me har sett over forsikringspapira og har funne ut at
forsikringssummen er på 50.000 kroner, seier Ingrid Åbergsjord frå
styret i Bergen Filmklubb. Ho håpar forsikringa vil dekkje tapet, og er
no i gong med å undersøkje dette.
Politiet har førebels verken vitnar eller mistenkte i saka. Dersom
nokon har opplysningar i saka kan dei ta kontakt med Moe på
Tjuveriavsnittet på telefonnummer 55 55 67 27.
|
