Det er fleire ting som er avgjerande for å bli teken opp på PhD-programma ved Det historisk-filosofiske fakultetet. Under følgjer informasjon om det vi får flest spørsmål om.
1) Opptaksgrunnlag
Høgare grad (hovudfag eller disiplinbasert mastergrad) innanfor det fagområdet som høyrer inn under det PhD-programmet du søkjer opptak til.
For meir informasjon om dette, sjå den aktuelle studieplanen og Forskrifta § 5.1
2) Rettleiing
Du må ha kontakt med fagmiljøet og ein intern rettleiar ved det aktuelle instituttet. Du finn ein fullstendig oversikt over institutta våre på nettsidene til Det historisk-filosofiske fakultetet.
3) Forskingsprosjekt
Prosjektskildringa er avgjerande. Ingen blir tekne opp på PhD-programma våre utan ei grundig vurdering av det faglege innhaldet i prosjektet. Både rettleiaren, instituttet og leiaren for det aktuelle PhD-programmet må tilrå søknaden for at kandidaten skal få opptak.
Dette er eit absolutt krav. Ingen får opptak utan ein skikkeleg finansieringsplan. Det historisk-filosofiske fakultetet lyser som regel ut stipend ein gong i året. Utlysingane vil bli lagt ut på NTNU sitt intranett Innsida (krev brukarnamn og passord) og på jobbnorge.no.
Ei anna aktuell finansieringskjelde kan vere Noregs forskingsråd, men dei har i det siste ikkje gitt individuelle doktorgradsstipend, så då må du vere knytt til eit større prosjekt. Du finn meir informasjon om Noregs forskingsråd på nettstaden deira.
Viss du er tilsett ved ein høgskule, kan det òg vere mogleg å få ein finansieringsavtale frå arbeidsgjevar.
