Klage på politiet
Viss du meiner at politiet har behandla deg på ein måte som strir mot regelverket, eller du meiner politiet har gjort ein feil, kan du klage på politiet, på etterforskinga politiet har gjort, eller melde tilsette.
Klage på politiet si utføring av tenesta
Dersom du meiner at politiet har gjort ein feil utan at det er gjort straffbare forhold, kan du sende ein klage til politimeisteren i det aktuelle politidistriktet. Er du ueinig i politimeisteren si vurdering og avgjerd, kan du sende klage til det politidistriktet saka gjeld. Distriktet samlar alle saksdokumenta og sender saka vidare til Politidirektoratet som klageinstans. Sjå Justisdepartementet sin instruks for behandling av kritikkverdige forhold i politi- og lensmannsetaten til høgre.
Klage på politiet om diskriminering på bakgrunn av etnisitet eller andre forhold kan også rettast til Likestillings- og diskrimineringsombodet.
Melding av tilsette i politiet eller påtalemyndigheita
Du kan melde tilsette i politiet (polititenestemenn og -kvinner, påtalejuristar og sivilt tilsette personar) som du meiner har gjort straffbare forhold i tenesta til Spesialeininga for politisaker. Adressa er:
Spesialenheten for politisaker, Postboks 93, 2301 Hamar
Meir om Spesialeininga kan du lese på eininga sine heimesider, sjå høgre side her.
Klage på etterforskning av straffesaker
Klager på etterforsking av straffesaker vert behandla av påtalemyndigheita, det vil seie politiet, statsadvokaten eller Riksadvokaten. Dersom du har spørsmål om klage på etterforsking av straffesaker, kan du kontakte ditt lokale politi på tlf. 02800.