Livslang læring / Etterutdanning / Prøvekluten / Prøvekluten

Den kulturelle skulesekken er etablert som eit obligatorisk og varig tiltak for grunnskulen i Noreg. Den overordna målsetjinga er at grunnskuleelevar i Noreg skal få eit breitt og profesjonelt kulturtilbod innan alle sjangrar.

Møre og Romsdal fylke og Høgskulen i Volda har sidan 2004 samarbeidt om prosjektet   Prøvekluten. Dette er eit tilbod der utøvarar innan ulike sjangrar, som ynskjer å utvikle eller vidareutvikle produksjonar for Den kulturelle skulesekken, kan søke om arbeidsopphald i eit  tilrettelagt produksjonsmiljø ved Høgskulen i Volda. Aktiviteten og talet på deltakande prosjekt har auka for kvart år.

Prøvekluten er eit forprosjekt for eit planlagt senter for kulturproduksjon og kulturformidling i Volda, basert på heilårsdrift og eit nasjonalt nedslagsfelt.

Les meir her >>

Les meir om

• Det potensielle romet- møte mellom skule og kunst/kultur
  Seminar ved Høgskulen i Volda 26. og 27. september 2007
• Den kulturelle skulesekken
• Prøvekluten 2005
• Prøvekluten 2006
• Dialogseminar 2006

Kontakt gjerne Signe Valsø om du vil vite meir om Prøvekluten.

Realfagsatsing: Etter- og vidareutdanning av naturfaglærarar
”Naturfag med mål og meining” er ei vidareutdanning for lærarar som no er utvikla ved Institutt for realfag ved Høgskulen i Volda. – Realfagssatsinga betyr at kommunane kan nytte øyremerka midlar til kompetanseheving av realfagslærarar. I Sunnmørsposten i dag seier fagansvarleg Erik Fooladi at det no er stort behov for naturfagkompetanse, og håpar fleire vil nytte sjansen til å ta del. [ Les meir ] - 17.10.2007

Kom inn i Det potensielle romet
Leiar for Familie- og kulturkomiteen, stortingsrepresentant May-Helen Molvær Grimstad opnar i dag seminaret Det potensielle rommet- eit seminar om møtet mellom skule og kunst og kultur. Seminaret går over to dagar, med ei allsidig deltakarliste frå skule og kulturliv og blir skipa som ein del av Prøvekluten 2007 og Forskingsdagane 2007. [ Les meir ] - 25.09.2007

Det potensielle rommet- Seminar om møtet mellom kultur og skule
26. og 27. september inviterer Høgskulen i Volda til seminaet Det potensielle rommet- eit seminar om møtet mellom skule og kunst og kultur. Dette blir skipa som ein del av Prøvekluten 2007 og Forskingsdagane 2007. Leiar for Familie- og kulturkomiteen, stortingsrepresentant May-Helen Molvær Grimstad opnar seminaret. [ Les meir ] - 13.07.2007

Open scene: Korleis blir ein kulturproduksjon til?
Denne veka er det stor aktivitet i Henrik Kaarstad-huset. Ein fotgraf, ein 3D-artist, ein instuktør, ein komponist, ein scenograf og fleire forfattarar, musikarar og skodespelarar er samla om eit felles mål: Å lage gode kulturproduksjonar til bruk i skulen. Høgskulen i Volda arrangerer for fjerde år på rad Prøvekluten, ein lekk i satsinga på Senter for kulturproduksjon og kulturformidling. Onsdag inviterte kunstnarane open scene, der publikum fekk eit unikt høve til sjå korleis ein kulturproduksjon blir til. [ Les meir ] - 25.04.2007

Urframsyning av prøveklutfilmar
Biletkunstnar Liv Dysthe Sønderland har i dag urframsyning på filmane sine "Øynene" og "I baksetet". Filmane har vorte til som ein del av Prøvekluten 2005 og 2006, og skal presenterast på Kulturtorget i Molde i januar. [ Les meir ] - 15.12.2006

Grunn til å ha sjølvtillit
Førti deltakarar, mellom dei fleire sentrale aktørar på nasjonalt plan, var førre torsdag samla til dialogkonferanse ved Høgskulen i Volda. Tema var produksjon og formidling av kunst og kultur til skuleverket. Som ein viktig del av dette vart det planlagde Senter for kulturproduksjon og kulturformidling i Volda òg presentert. [ Les meir ] - 29.11.2006

Prøveklutdeltakar ein av dei heldige
I sommar var Elisabeth Helland Larsen (33) frå Ålesund deltakar på Prøvekluten ved Høgskulen i Volda. Ho var då heilt i startfasen på prosjektet ”Klapp!”. Det har ho no fått støtte til å vidareføre frå Norsk kulturråd og Norsk filminstitutt gjennom tiltaket Film + scenekunst i Den kulturelle skulesekken, der målsetjinga er å stimulere til nye måtar å skape og formidle profesjonell kunst til born og unge på. [ Les meir ] - 21.11.2006

Om svin og høns - en kjærlighetshistorie
Fleire av prosjekta det vart gitt støtte til under Prøvekluten 200 har søkt om å få kome attende i haust for ferdigstilling av dei ulike produksjonane. Måndag 11. september er det duka for prøveframsyning av musikkteaterframsyninga ” Om svin og høns- en kjærlighetshistorie”i Teatersalen på Henrik Kaarstad- huset. Publikum er 3. og 4. klasse ved Øyra skule. [ Les meir ] - 11.09.2006

Frå ”ingenting” til veldig langt på fire dagar…
- De er komne utruleg langt på kort tid!, var rettleiar Marit Ulvund sin fyrste begeistra kommentar etter urframsyninga av det som skal verte ei ferdig oppsetjing med premiere i oktober. [ Les meir ] - 04.07.2006

Prøvekluten 2006: Fengande Kakafoni
- Kaaa- ka - kafoni!, syng borna medan dei trampar takta berrføtt med raslande bruskorker rundt oklene. Instruktøren sjølv, Birte Hege Owusu-Addo, dundrar laus på ei av dei største søppelbøttene av plast. ”Barfot –Birte” som ho kallar seg er ein av deltakarane på årets Prøveklut, i regi av høgskulen og Fylkeskulturavdelinga. Under opphaldet har ho prøvd ut delar av prosjektet sitt, Kreativ kakafoni, på ei gruppe born og unge frå Ørsta og Volda. [ Les meir ] - 23.06.2006

Kreativt foredrag
Som ein del av Kreativt seminar under Prøvekluten 2006 heldt Stig Hjerkin Haug i går foredraget sitt "Jakten på det kreative menneske". -I løpet av ein time og tjue minutt skal eg gjere dykk meir kreative enn då de kom inn døra der, lova Haug eit fullsett auditorium, så eg får vel setje i gang. [ Les meir ] - 16.06.2006

Stor søknad til Prøvekluten
Afrikanske rørsler og rytmar, visualisering av kva som skjer inne i eit forfattarhovud, filosofering rundt talbegrepet og ekstrem mote skapt av gjenbruksmateriale… - Variasjonen er stor og kvaliteten god på dei 24 innkomne søknadane til årets Prøveklut, seier Signe Valsø ved KEV, som for tredje år på rad, saman med Fylkeskulturavdelinga, er arrangør for den kulturelle storhendinga. [ Les meir ] - 19.05.2006

Urpremiere i Volda 23.mai
Sjølv om startskotet for Ibsen-året for lengst er avfyrt, er det 23.mai duka for urpremiere av oppsetjinga ”Dokument Ibsen”. Ei eksperimentell framsyning jobba fram under Prøvekluten 2004 og 2005. [ Les meir ] - 18.05.2006

Prøvekluten byd på to dagar med kreativ kveik i juni
Er nokon av oss fødde med eit kreativt gen? Neppe! Kvifor tenkjer då tilsynelatande nokon fleire og betre kreative tankar enn andre, og kva har eit foreldrepar med firlingar til felles med Kristoffer Schau, Hege Duckert og Ingvar Ambjørnsen? [ Les meir ] - 05.05.2006

Kulturproduksjon i Volda
Møre og Romsdal fylke og Høgskulen i Volda har til saman løyvt to millionar kroner til Senter for kulturproduksjon og kulturformidling i Volda. – Pengane skal brukast til vidare planlegging av senteret, infrastruktur og til konkrete kulturproduksjonar, seier prosjektleiar Jan Driveklepp. [ Les meir ] - 14.03.2006

Millom Bach og belg
BGO Arkitekter og Medplan AS vann konkurransen om beste skisse til det nye kultur- og kompetansesenteret i Volda. – Vinnarprosjektet er innovativt formidlande og viser ei sterk forankring til stad og landskap, seier leiaren i innOvata Hallvar Vassvik. [ Les meir ] - 14.03.2006

Prøvekluten 2005 vel i hamn
Etter fjorten dagar med hektisk aktivitet er Prøvekluten 2005 no avslutta. Verkstaddeltakarar, kunstnarar og kulturtilsette har reist kvar til sitt. -Dette har vore både utfordrande utviklande og spanande, seier Signe Valsø ved Kontoret for etter- og vidareutdanning. [ Les meir ] - 04.07.2005

Prøvekluten 2005
Kunstnarar og verkstaddeltakarar er i full gang med Prøvekluten 2005. Og i desse dagar er det Volda som er kulturhovudstad! [ Les meir ] - 22.06.2005

Prøvekluten 2005- Kulturverkstader for vaksne, teaterskule for born og produksjonsarena for kunstnarar
Prøvekluten blir skipa for andre gong i perioden 20.- 30 juni 2005. - I fjor var dette ein suksess! No har vi sett saman eit spanande program for Prøvekluten 2005 seier Marit Ulvund frå prosjektgruppa. [ Les meir ] - 14.04.2005

Prøvekluten er i gang
Høgskulen i Volda er i tida mellom 21. og 25. juni veksthus for gode kulturproduksjonar. Prøvekluten er ei samling der profesjonelle kunstnarar og lærelystne elevar og lærarar kan møtast for å utvikle nye og gode kulturproduksjonar. [ Les meir ] - 21.06.2004

Skriv ut