SNO Skinnarbus kontor ligger på Skinnarbu.

På denne sida kan du lese om:

• Oppsynsområdet
• Arbeidsoppgåver
• Tilsette

Oppsynsområdet
Lokalkontoret på Skinnarbu har hovudsakelig ansvar for oppsyn i Hardangervidda nasjonalpark. Med sine 3422 kvadratkilometer er nasjonalparken Noregs største. Hardangervidda har rolige former i øst, men brytast opp av meir markerte fjell i vest og sør. Hårteigen (1690m) er med sin hatteform et velkjent landemerke. Hardangervidda har den største villreinstammen i Europa. Elles er vidda kjent for sine mange fiskerike elver og vatn. I nær tilknyting til nasjonalparken ligger fleire landskapsvernområde og mindre verneområde som Statens naturoppsyn og har oppsynsansvar i.

 
Villreinstammen på Hardangervidda er den største i Europa, og eit svært viktig tema for SNO Skinnarbu. Blandingsflokk ved Såtenutane på Hardangervidda under jakta. Foto: Knut Nylend.

Arbeidsoppgåver
SNO Skinnarbu har som oppgåve å drive naturoppsyn med heimel i lov om statlig naturoppsyn innanfor sitt oppsynsområde. Formålet er å ivareta nasjonale miljøverdiar og førebygge miljøkriminalitet. Meir konkret medfører dette kontroll av bestemmingane gitt i Friluftsloven, Naturvernloven, Motorferdselsloven, Kulturminneloven, Viltloven, Laks og innlandsfiskloven og deler av Forureiningsloven. Oppsynet driv og rettleiing og informasjon, samtidig som det kan drive skjøtsels-, registrerings- og dokumentasjonsarbeid.

Kontoret har ei særlig oppgåve i forhold til å koordinere oppsynstenesta i Hardangervidda nasjonalpark, samt ei rekke mindre verneområde i øvre Telemark. Verneområda omfattar eit samla areal på 4771 kvadratkilometer fordelt på ein nasjonalpark, 12 naturreservat, fire landskapsvernområde, tre fuglefredingsområde og to naturminne. Vi kjøper også oppsynstenester frå andre oppsynsorningar og kvalitetssikrar disse.

SNO Skinnarbu løyser deler av sine oppsynsoppgåver gjennom tenestekjøp frå Hardangervidda Fjelloppsyn AS, som utførar ein god del naturoppsyn i Hardangervidda nasjonalpark, og fleire mindre verneområde i regionen.

• Gå til: Verneområde kor SNO Skinnarbu har oppsynsansvar
• Les meir om: Søppelrydding i Semsøyene naturreservat
• Les meir om: Villreinoppsyn på Hardangervidda

Tilsette

Tilbake til hovudside SNO Lokalt