BOVDEHUS KONFERÁNSII

Báiki:	Auditoria 1, Viessu 1, Teorifágagárdin, Romssa universitehta
Áigi:	Juovlamánu 10. ja 11. beivviid 2007

Dan oktavuođas go Sámi vuoigatvuođalávdegoddi lulábealde Finnmárkku buktá evttohusas, de lágida Sámi dutkamiid guovddáš ovttas Romssa ja Nordlándda fylkkasuohkaniiguin ja Stáhtadiehtaga instituhtain, stuorat konferánssa sámerievttálaš áššiid birra, man fáddá lea: Sámi vuoigatvuođalávdegotti evttohus Romssa fylkkas lulás.

Konferánsa guovdilastá lávdegotti evttohusa, ođđa hálddašanráđđenvugiid ja demokratiijaipmárdusa, ja lávdegotti evttohus guorahallojuvvo maiddái Finnmárkkulága vásáhusaid ektui. Ulbmiljoavku leat sámi ásahusat ja organisašuvnnat, politihkalaš mearrideaddjit ja hálddašeapmi juohke dásis, ealáhus- ja olgonastinberoštumit, akademiija, media ja eará berošteaddjit.

Konferánssa prográmma gávnnat dáppe. Prográmma sáhttá rievdat. Konferánsa simultandulkojuvvo davvisámegillii-julevsámegillii-dárogillii.

Dieđiheapmi konferánsii dahkkojuvvo elektrovnnalaččat dieđihanskoviin maid gávnnat dáppe.

Dieđihanáigemearri lea skábmamánu 19. b. Maŋŋel dán beaivvi eat sáhte dáhkidit hoteallalanja.

Mii fuomášuhttit ahte maiddái Romssa ja Nordlándda fylkkasuohkanat sáddejit bovdehusa dán konferánsii. Dát sáhttá mielddisbuktit ahte muhtumat ožžot máŋga bovdehusa. Earret sin geat ožžot sierra bovdehusa Romssa ja Nordlándda fylkkasuohkaniin, de fertejit oasseváldit ieža gokčat mátke- ja orrungoluid.

Jus leat gažaldagat dieđiheami birra, de váldde oktavuođa:

Carina Sandvik, Sámi dutkamiid guovddáš,
tel. 77 64 69 01, e-poasta: carina.sandvik@sami.uit.no

Line Vatne, Romssa fylkkasuohkan,
tel. 77 78 80 15, e-poasta: line.vatne@tromsfylke.no

Dearvuođaiguin

Else Grete Broderstad
hálddahusjođiheaddji