Midtausten i lommeformat

Som ein fugl Føniks står ruinbyen Babylon opp som tidsskrift
om Midtausten og Nord- Afrika.

- Tidsskriftet skal gi fleire nyansar enn kva media gir til vanlig. Når avisene skriv om islamsk
lov, er det ingen som forklarer skikkeleg kva det er, seier Janne Bøe. Ho er den eine av to bergenske redaksjonsmedlemmer i Babylon.

- Håpet er at vi kan nå ei brei lesarskare, gjennom å både underhalde og informere. Det er ikkje snakk om eit superakademisk blad med høg terskel, men om å nå alle med interesse for Midtausten. Faren min, som ikkje er akademikar, seier at han får mykje ut av å lese bladet. Slik skal vi presentere aktuelle tema på ein folkeleg måte.

Bladet, som får plass i ei litt stor lomme, kjem ut to gongar i året og omhandlar eit nytt tema kvar gong. Det fyrste bladet handla om demokrati i Midtausten, det nyaste om shari’a, islamsk lovgiving. Våren 2004 kjem neste nummer, som stiller spørsmål om Midtausten
er kjønnsfiksert.

- Blant anna korleis ultraortodokse jødiske kvinner går inn i hæren, noko som i utgangspunktet strir mot ei ultraortodoks overtyding,
seier Bøe.

Artiklane i den nyaste utgåva er skrivne både av hovudfagsstudentar og meir røynde akademikarar, med alt frå historisk til antropologisk bakgrunn. Blant dei meir røynde er Knut S. Vikør, som gir eit oversyn over shari’a-lovgivinga, på ein, skal vi tru sikre kjelder, folkeleg måte. Også dei Sudan-interesserte, ein stor skare i Bergen, har noko å glede seg til i UiO-forskar Endre Stiansen sin artikkel om økonomisk liberalisering og islamisering.

Tekst: ØYVIND LEFDAL EIDSVIK

Studvest
følger saken:

Kvalitets-
reformen

Siste artikkel:
20. august 2003
Antall artikler: 36

Lånekassen

Siste artikkel:
11. september 2002
Antall artikler: 11