Årets...

Leikestove vil takke alle trufaste lesarar for eit fint år og gir deg her ei kavalkade overårets mest markante personar i kulturliv og pollitikk. Her er årets..

POLITIKAR:

3. plass: Victor. Har sett NHH på kartet. Han har vore ein tydeleg inspirasjon for både Kjernestyret og Pynos, og har vist at han kan misbruke både smårips og representasjonsrekningar.

2. plass: Herman. Den politikaren i verdshistoria som har gjort mest for Hulen ved å erklære Bergen for «black metal-by». Herman og Jo Rasmussen er i det siste observert på byen, nippande til kanapear og Friele-kaffe, iført sveitte Hulen-genserar, lyttande til Dimmu Borgir.

1. plass: Terje. Mens dei andre politikarane kun gir av sin rikdom, auser Terje av sin kjærleik. Terje har bytta ut smårips med svisker, og
betaler syden-tur til pensjonistane i Os. Terje har delt av seg sjølv gjennom heile året i Studvest med fast spalte på baksida. Ivrige ex.phil.-studiner har no starta opp FrP-lag og håper at Terje kjem på julebordet.

INGEN KOMMENTAR-PRIS GÅR TIL:

3. plass: Kvarteret. Har tatt pressekurs hjå Lidl og rykta vil ha det til at pressestrategien er rip off frå Jehovas vitner. Alle på Kvarteret er kjempefornøgde med underskotet på 400.000,- og møter Studvest med kvitlauk og krusifiks. Med oss får vi også eit eksemplar av infobladet «drikk opp».

2. plass: Kristin. Kristin Clemet har gått på pressekurs hjå Torbjørn Jagland. Under framlegginga av statsbudsjettet besvarte ho Studvests kritiske spørsmål med «Det der er ikke noe spørsmål» på pressekonferanse foran ein fullsett sal måpande journalistar. Victor hadde ikkje same suksessen hjå Stortingets kontroll og konstitusjonskomité.

1.plass: Kjernestyret ved NHH. Etter eit halvår i bitter strid med «vaktbikkja» Bulle, kan Kjernestyret no slappe av på hemmeleg stad. Under trussel om truserøsk har Bulle-redaksjonen forlete lokala sine, og blitt erstatta
av kameratar som vil følge Kjernestyret sitt mål om 95 prosent gladsaker.

- Jeg vet ikke om noen som ikke vil komme til NHH når de dør, seier en kjempeglad Ole Bore Jr., kjernestyreleiar og konstituert Bulleredaktør, medan han nippar til ein Perrier med raudbrus.

KONSERTOPPLEVING:

3. plass: Dörty Oppland. Konserten gjekk greit føre seg, men etterpå blei crewet utsett for ein drive-by fra dei konkurrerende ruralrapparane
i D-strict. Væpna med høygaflar og trimma traktor sørgd eit velretta kast frå Daman for at OnklP nå er blitt TanteP. D-strict har teke tilflukt på ein ukjend folkehøgskule der unge akademikarjenter deler både engasjementet
og boblebadet.

2. plass: Death in June. Douglas Pearce og dei ariske kompiseane hans har vorte like velkomne på Hulen som Herman. Men Bergen AFA-demonstrantar stillte mannsterkt opp med det gripande ropet: «Til syvende og sist er du nynazist». U2 bleiknar i forhold...

1.plass: Mayhem. Norges hardaste rockarar gir deg rystande konsertopplevingar. Nærare bestemt ein saueskalle i knollen.
Vokalisten Blasphemer hadde trøystande ord til den fallne tilhengaren: «Hva faen, ting skjer» sa han i ein kommentar til BT.

 

Leikestove har fått inn klager på at det har snike
seg inn eit upassande ord i Leikestove-kryssordet
nr. 30. Dette er ein personleg vendetta frå kryssordansvarleg si side, som har ønska å hevne
seg på redaksjonen for at han for ei tid tilbake misste jobben. Leikestove har flat redaktørstruktur, nett som den konservative avisa K7- Bulletin ved NHH, og det har ikkje lukkast oss å finne ein ansvarleg redaktør blant redaktørane, som vi ta ansvaret for den upassande ordbruken
i kryssordet. Kryssordansvarleg har no fått sparken att, og det er difor usikkert om det vil verte kryssord over jul.

Siste artikkel:
3. september 2003
Antall artikler: 42

Kollektivrabatten