Ansvarleg redaktør:
|
|
|||||||||||||||
– Vi håpar å få sendt søknad til departementet innan utgangen av året, seier informasjonssjef ved Levende Ord, Bjørn Olav Hammerstad. I NRK Brennpunkt førre veke la pastor i Levende Ord, Enevald Flåten, ut om sine visjonar for det han kallar re-kristninga av Norge. Flåten uttalte at hans barn ikkje skulle få bli undervist av ateistar og satanistar, med eit klart spark til den offentlege skulen. Frikyrkjelyden som omset for 60 millionar kroner i året, driv allereie grunnskule og vidaregåande skule. No ligg planane føre for eigen høgskule. – Vi kjem til å legge vekt på samfunnsvitskaplege fag som media, pedagogikk og teologi, seier Hammerstad til Studvest. Han er tydeleg nøgd med den sittande regjeringa. – Det er ikkje til å legge skjul
på at Bondevik-regjeringa har gjort det enklare å
drive kristne privatskular, vedgår Hammerstad. – Det ville vere naturleg for oss å samarbeide med NLA, men det eksisterer ikkje noko samarbeid i dag, presiserer informasjonssjefen. – Vi håpar å ha høgskulen klar i løpet av fire - fem år. Dette skal vere ein skule for alle. Ein treng ikkje vere medlem av kyrkjelyden, understrekar Hammerstad og lovar låge semesteravgifter. – SOM EIT KJØPESENTER Jorunn Margrete Blindheim og Solveig Aae går siste året allmennlærar ved NLA på Breistein. Begge er kristne, men trur ikkje ei høgare utdanning hos Levende Ord hadde vore eit aktuelt alternativ. – Eg har vore på Levende Ord ein
gong. Då følte eg at eg var på eit kjøpesenter,
seier Blindheim. Ho reagerer på pengekulturen som rår
når kollekt vert samla inn med portable betalingsterminalar. – Det er lett for at folk tenker at det er slik kristne er når Levende Ord går krast ut i media, fryktar dei to lærarstudentane, dei meiner det er galt å plassere folk i éin kristen-bås. – Det er viktig med mangfald. Vi har til dømes fleire homofile i klassa. Sjølv om eg tykkjer det er synd å leve slik, samarbeidar vi godt, understrekar Blindheim. FAG FRAMFOR RELIGION – Eg tykkjer ikkje det skal ha noko å seie at eg er kristen når eg tek utdanning, seier Jørgen Viksund. Han er kristen og lærarstudent ved Høgskulen i Bergen på Landås. – Han kunne ikkje tenke seg å gå på ein Levende Ord høgskule, men trur kanskje NLA kunne ha passa for han, dersom dei hadde vore meir objektive. Både Viksund og kameraten Torstein Kråvik er kritiske til samanblanding av fag og religion i privatskulane. – Det er dumt at det å være kristen går framfor det faglege, seier dei. 03.12.03 |
|
|
|
|
||||||||||||
