Ansvarleg redaktør:
|
|
|||||||||||||||
– Ein overgang til eittårige kontraktar vil gjere studentane meir usikre, sidan dei ikkje veit kva husleiga blir frå år til år, meiner hovudtillitsvalt i Løbergsveien Studenthjem, Lars Anders Heimdal. Han meiner Studentsamskipnaden i Bergen (SiB) ikkje må gløyme at dei er til for studentane. – Sjølv om dei har lova på si side, er det viktig at dei anvend særstillinga si til fordel for studentane, ikkje omvendt, seier Heimdal. Husleigelova krev eigentlig treårige kontraktar, men studentsamskipnadar har unntak fordi mange av deira leigetakarar har behov for kortare buforhold. VIL SJEKKE STUDENTANE Kortare kontraktar opnar for at SiB kan auke leiga kvart år, uavhengig av konsumprisindeksen. – Dette gjer det enklare å sjekke om bebuarane faktisk er studentar. Lovgjevnaden tillét den nye praksisen, seier administrerande direktør i SiB, Egil Pedersen. Han trur SiBstyret kjem til å vedta forslaget. Torstein Fjeldet Lunde som er velferdstingsrepresentant for Moderat Gruppe har ingenting mot eittårskontraktar. – Det vil føre til høgare gjennomstrømming i SiB sine bustadar, slik at nye studentar lettare kan få seg ein hybel, seier Lunde. NØDVENDIG AUKE SiB sitt forslag inneheld òg ei auke av husleiga på rundt ti prosent. Denne auka er nødvendig for å gje SiB-bustadane ein tidsriktig standard, noko midlane vil vera øyremerka for, i følgje forslaget. – Ordet husleigeauke riv og skjer i sjela mi, seier Jette Christensen, som sitter i SiB-styret. Ho meiner det er viktig at SiB vurderer alle andre alternativ enn husleigeauke . – Lånefinansiering er eit godt alternativ, meiner velferdstingsrepresentant for Sosialdemokratane Jørgen Kinden Kristiansen. Han meiner SiB fører studentane bak lyset ved ikkje å greie ut saka betre. – Ein auke i husleiga er ikkje til å unngå, men ved å ta opp eit lån vil auken bli mykje mindre. Lånefinansiering vil gje same rehabiliteringa til ein lågare pris, seier han. DEI PRIVATE VIL TA ETTER Heimdal frå Løbergsveien fryktar at dersom SiB skrur opp leiga, vil det automatisk påverka den private marknaden. – Private leigetakarar vil då sjå sitt snitt til å auke leiga i same takt. Dersom fleire vel å flytta frå SiB fordi dei blir for dyre, vil presset på privatmarknaden auke, og prisane bli enda høgare. Advokat Knut Helland Hansen i Leieboarforeininga er samd med Heimdal. – Dette vil heilt sikkert føre med seg ringverknader på den private marknaden. Dette såg me då Oslo kommune auka leiga; den private marknaden følgde raskt etter. SiB-direktør Pedersen hevdar ei eventuell auke ikkje bør ha nokon effekt på private utleigarar, då dette er midlar som berre skal brukast til oppussing. – Dårligere tilbud enn privateBeboere vurderer å flytte ut om SIB vedtar økte husleier og kortere kontrakter. Tekst: LINDA SKJÆRVIK linda@studvest.no
|
||||||||||||||||
|
|
|||||||||||||||
