No må du vurdere vinterdekk

Om haustfargane har uteblitt, er hausten i full gang med å gå over til vinter.

Vegvesenet oppmodar no alle bilistar til å leggje om frå sommar- til vinterdekk om dei skal over fjellovergangane.

• SJÅ: Oppdaterte vegmeldingar frå Statens vegvesen

– Det gjeld spesielt dei som køyrer om kvelden, natta eller morgonen. Om natta ligg det så nærme nullpunktet på fjellovergangane at vi rår folk til å skifte til vinterdekk, seier Kjetil Molvær til NRK.no.

Snø på Sognefjellet

Visste du at...

Foto: Gunnar Lier/Scanpix

• Sognefjellet fekk i 1997 status som den første turistvegen i Norge, og stod ferdig opprusta som nasjonal turistveg i 2003.
• Med sine 1 434 m.o.h er den norges høgaste fjellovergang.
• Sognefjellet vart opna som bilveg i 1938.
• Avstande mellom Gaupne og Lom i Oppland er 110 km.
• Sognefjellet har mange fjelltoppar på over 2 000 meter. Mellom desse er Galdhøpiggen (2 469 m.o.h.), Store Skagadølstind, Fanaråken, Store Smøstabbtind og Storebjørn, som er ynda reisemål for fjellentusiastar.

Kjelde. Sognefjellet.com

• SJÅ: Vermelding for fjellovergangane i Sør-Norge

I morgontimane fredag melde brøytebilsjåfør Nils Weka frå til Vegmeldingssentralen om snø i vegbana på norges høgaste fjellovergang, Sognefjellet.

– Ikkje mykje, men nok

Det er ikkje uvanleg tidleg, men likevel eit tydeleg teikn på at vinteren er i anmarsj.

Torsdag vart det også meldt om snø på Vikafjellet og Hardangervidda. Fredag morgon fekk vegmeldingssentralen også melding om snøslaps på fylkesveg 50 mellom Hol og Aurland.

• LES OGSÅ: Sjå, no er vinteren her
• LES OGSÅ: Sognefjellshytta på ut.no

– Det var ikkje mykje, men det var glatt frå 1 300 meter og over. Det plar normalt gje seg når klokka nærmar seg halv ti, seier Weka, som har 30 års erfaring som brøytebilsjåfør, om synet som møtte han på Sognefjellet.

Snø ved jonsok

Weka har tidlegare opplevd å måtte brøyte 30 centimeter snø ved jonsok. I fjor kom den første snøen allereie i august.

• SJÅ: Vegkamera på Vestlandet

– Eg såg det køyrde ein trailer opp der no, så eg håpar han køyrer med vit, legg han til.