Ingeniør elektro

BACHELORGRAD I AUTOMATISERINGSTEKNIKK - FØRDE

Behovet for folk med utdanning i elektro på alle nivå er aukande. Vi ser no i media at det er stor mangel på ingeniørar, også innan elektro og automatiseringsteknikk.

Studiet vårt legg stor vekt på ei praktisk tilnærming, der arbeid på lab står sentralt. Vi har også tett kontakt med Bedriftsnettverket i Sogn og Fjordane, som m.a. kan tilby traineeplassar etter at utdanninga er avslutta. Vi samarbeider også med bedriftene gjennom prosjekt på alle årstrinn, og spesielt gjennom hovudprosjektet i siste semester.

Kvar kan du få jobb? Elektroingeniørar arbeider både offshore og på land. Dei fleste bedrifter er automatiserte på eit visst nivå, så mulegheitene er mange. Mange elektroingeniørar arbeider også innan databransjen, kunnskap om data er viktig også i automasjon.

Høgskulen i Sogn og Fjordane samarbeider med Høgskulen i Bergen, slik at det er råd å ta første året i Førde, og så gå vidare på elkraft, elektronikk eller kommunikasjonsteknologi i Bergen.

Høgskuleutdanningane i Førde held til i det nye høgskulebygget på Vie.

Les meir i Studiehandboka

Studieinformasjon

»  Open dag ved HSF i Førde ein suksess

Arkiv

Sist endra av: Guy Steffen Brun, 05. desember 2006 19:20:55
Publisert av:   Guy Steffen Brun, 05. desember 2006 19:20:56