Praktisk-pedagogisk utdanning PPU

Praktisk-pedagogisk utdanning er ei eittårig utdanning (60 studiepoeng) der studentar som har fullført ulike fagstudium kan kvalifisere seg for læraryrket. Denne lærarutdanninga byggjer på studium av universitets- og høgskulefag, eller på ei yrkesutdanning kombinert med yrkesteori og praksis frå yrkeslivet.

Praktisk-pedagogisk utdanning omfattar pedagogikk, praksisopplæring og fag- eller yrkesdidaktikk. HSF tilpassar undervisningstilbodet i fag/ yrkesdidaktikk til studentane sin faglege bakgrunn.

Utdanninga gir undervisningskompetanse på mellomsteget og ungdomssteget i grunnskulen, vidaregåande skule, vaksenopplæring og høgskule, avhengig av kva fag og fagkompetanse du har i botnen. Fullført praktisk-pedagogisk utdanning kan kvalifisere til opptak på visse vidareutdanningar for lærarar. Studiet byggjer på Rammeplan og forskrift for praktisk-pedagogisk utdanning av 01.07.03.

Gjennom praktisk pedagogisk utdanning ved Høgskulen i Sogn og Fjordane møter du mellom anna:

Individuell oppfylging	Studentaktive læringsformer	Undervisning i ulike grupper
Temadagar	Utvikla digital kompetanse	Eit godt studiemiljø

Studieåret 2006 - 07 har HSF dette tilbodet:

• Praktisk-pedagogisk utdanning (PPU), heiltid i Sogndal
• Praktisk-pedagogisk utdanning (PPU), deltid Sandane

Studieleiar: Ann Karin Sandal, tlf. 57 67 60 25

Praksiskonsulent: Heidi Stenseth, tlf. 57 67 60 1

Studieinformasjon

»  Utdanningssamtale

Sist endra av: Tor W. Eikemo, 28. desember 2006 12:21:25
Publisert av:   Guy Steffen Brun, 05. desember 2006 09:27:07