Utdanningsplan ved UiO

Kva kan eg bruke utdanningsplanen til?

• Planlegg studieløpet på studieprogrammet du går på. Fulltidsstudium utgjer 30 studiepoeng pr. semester. Søkjer du plass på emna innan fristane, blir du som er programstudent prioritert i undervisningsopptaket.
• Sjå emna du har tatt på studieprogrammet
• Sjå emne du har fått innpassa frå andre lærestader.
• Sjå kva emne som vil være grunnlaget for grad og komme med på vitnemål.
• Sjå viktige reglar du må kjenne til når du er student.

Kor finn eg utdanningsplanen min?

• Du finn utdanningsplanen i Studentweb.
• Gjer deg godt kjend med studieprogrammet før du tek til å leggje emne i planen.

Kva om eg vil endre planen?

• Vil du flytte emne? Trykk på blyanten til høgre for emnet.
• Du kan ikkje flytte emne i tidlegare semester.
• Ønsker du å forbedre karakter på eit emne du har teke tidligare, skal du ikkje flytte emnet i planen. Då melder du deg til eksamen ved å trykke på blyanten til høgre for emnet under det semesteret du tok eksamen første gong.
• På studieprogram der det er mange emne å velje blant, kan du ofte ombestemme deg undervegs i studiet om kva for emne du planlegg å ta. Emna du kan slette har raudt kryss i Studentweb. Du kan endre planen fram til 1. september om hausten og 1. februar om våren. Etter dette har ikkje emna raudt kryss lenger.
• Mange studieprogram har eit eller fleire obligatoriske emne. Du kan ikkje slette dei frå utdanningsplanen, og dei har aldri raudt kryss i utdanningsplanen i Studentweb. På nokre studieprogram kan du flytte emna til eit seinare semester ved å trykkje på blyanten.

Nokre gonger vil studieadministrasjonen endre utdanningsplanen din, til dømes dersom eit emne du har lagt i utdanningsplanen blir lagt ned eller endrar undervisnings- og eksamenssemester.

Forsinka?

Utdanningsplanen varer i utgangspunktet like lenge som normert tid for studieprogrammet. Etter det kan du ikkje utan vidare leggje til nye emne i utdanningsplanen, og du får ikkje stadfesta han.

Kontakt fakultetet dersom du er forsinka i studiet og har bruk for utvida studietid.

Treng du hjelp?

• HF: Kontakt administrasjonen på studieprogrammet
• JUS: Kontakt Infosenteret. For studenter på DRI, KRIM, RSOS og FINF: kontakt studiekonsulent på instituttet.
• MED: Kontakt MED-studieinfo eller studiekonsulenten på programmet du går på.
• MN: Kontakt studieadministrasjonen ved instituttet.
• OD: Kontakt fakultetet
• SV: Lavaregradsstudentar fyller ut nettskjema. Har du spørsmål? Kontakt SV infosenter. Masterstudentar - kontakt studiekonsulenten.
• TF: Kontakt TF-studieinfo
• UV: Kontakt UV-studieinfo