Kap. VI - Forrenting og tilbakebetaling i 2003

N
For låntakarar i deltidsutdanning blir det ikkje rekna renter av lån som blir gitt fortløpande til utdanninga låntakaren er i gang med.

N
Betalingsplanen viser frå kva dato lånet er sett renteberande, kor lang nedbetalingstid som er fastsett, og kor store terminbeløpa blir med den gjeldande rentesatsen.

N
Når det blir rekna renter for tidlegare periodar, bruker Lånekassen den rentesatsen som gjaldt i dei aktuelle periodane.

N
Dersom låntakaren frivilleg har hatt høgare terminbeløp enn dei ordinære etter betalingsplanen før fastrenteavtalen blei inngått, kan terminbeløpa bli endra etter inngått avtale, slik at låntakaren får behalde den opphavlege nedbetalingstida.

N
Låntakar med lån med fast rente som får ettergitt gjeld på grunn av fullført langvarig utdanning, kan få behalde terminbeløpet frå fastrenteavtalen.

N
Blir lånet innfridd, blir det rekna renteerstatning etter ein over- eller underkurs på tidspunktet for innfriing.

N
Dersom låntakaren i løpet av året har betalt meir enn det han/ho er varsla for, blir det rekna renteerstatning etter ein over- eller underkurs av den ekstra innbetalinga. For kvart kalenderår og ved utløpet av avtaleperioden kontrollerer Lånekassen om låntakaren har betalt inn i samsvar med avtalen.

N
Den tidsperioden som Lånekassen legg til grunn for å kontrollere om låntakaren har betalt inn ekstra, blir kalla ein måleperiode. Første måleperiode blir rekna frå starten av bindingstida og fram til første årsskiftet. Dei neste måleperiodane er alltid eit kalenderår. Dersom avtalen blir avslutta i løpet av eit kalenderår, er siste måleperioden den delen av bindingstida som går inn i det året avtalen går ut.

N
Innbetalingene blir summerte for kvart kvartal som inngår i måleperioden. Dersom ein del av innbetalinga innanfor eit kvartal blir definert som ekstra innbetaling etter å ha blitt avrekna mot heile måleperioden, utløyser det over- eller underkurs fram til utløpet av bindingstida.

Ei ekstra innbetaling får verknad frå den månaden den er registrert i Lånekassen. Ekstra innbetaling blir definert som ei innbetaling større enn summen av desse postane:

terminbeløpet på betalingsplanen til kunden for det aktuelle forfallet, eventuelt eit mellombels terminbeløp for det aktuelle forfallet dersom det er større enn terminbeløpet på betalingsplanen
gebyr i samband med varslinga for det same forfallet
eventuelt skuldig beløp ved starten av måleperioden
påløpte kostnader
gebyr/rente frå etterkontrollen for INTB
N
Renteerstatning etter overkurs vil bli belasta kunden. Ved innfriing vil det bli sendt krav på ei eventuell restgjeld dersom den utrekna overkursen fører til at gjelda likevel ikkje er innfridd.

Renteerstatning etter underkurs vil bli godskriven kunden. Ved innfriing vil eit eventuelt tilgodebeløp bli utbetalt dersom den utrekna underkursen tilseier det.

Beløp under kr 50 vil ikkje bli belasta kontoen og kravd tilbakebetalt og heller ikkje bli godskrive og refundert.

N
Det blir ikkje gitt fritak for renteerstatningsbeløp som er utrekna i periodar det er gitt rentefritak for.

N
Ekstra innbetalingar utover terminar fastsette etter reglane i kap. VIII (FINN-terminar), men avgrensa oppover til det fastsette terminbeløpet etter fastrenteavtalen, fører ikkje til utrekning av over- eller underkurs. Det same gjeld for låntakarar som får betalingsutsetjing eller halvert terminbeløp for terminar i fastrenteperioden. Dersom årsinnbetalinga ikkje er større enn summen av dei fire fastrenteterminane, blir det ikkje rekna over- eller underkurs.

N
Dersom betalingsutsetjing fører til at innfriingstidspunktet kjem etter at låntakaren har fylt 65 år, blir innfriingstidspunktet sett til siste forfall før låntakaren fyller 65 år, og terminbeløpet blir oppregulert. Sjå likevel punkt 9.4.

N
Dersom betalingsutsetjing fører til at nedbetalingstida blir lengre enn 30 år, blir innfriingstidspunktet sett til siste forfall før 30 år, og terminbeløpa blir oppregulerte. Sjå likevel punkt 9.4.

N
Når det blir gitt rentefritak utan betalingsutsetjing, vil nedbetalingstida i den gjeldande betalingsplanen bli redusert. Terminbeløpet som er fastsett i betalingsplanen, blir ikkje endra.

N
Låntakarar som betaler inn ekstra slik at nedbetalingstida blir forkorta, kan søkje om å få terminbeløpet sett ned for å oppretthalde den opphavlege nedbetalingstida. Terminbeløpet kan ikkje bli sett lågare enn kr 500.

N
Låntakarar med betalingsproblem kan, etter ei særskild vurdering, få fastsett ny betalingsplan med lengre nedbetalingstid. Det må vere sannsynleg at dei kan greie å følgje den reviderte betalingsplanen.

Det er ein føresetnad at samla nedbetalingstid ikkje blir meir enn 30 år, og at lånet er nedbetalt innan låntakaren er 65 år. Som hovudregel bør det mellombelse terminbeløpet minimum dekkje løpande renter.

N
Ein låntakar som får støtte til ny deltidsutdanning, kan ikkje få ny betalingspause.

N
Ved avrunding innanfor ein månad blir til vanleg dette lagt til grunn: Dersom forholdet som gir grunnlag for rentefritak, startar i tida 1. til og med 14., blir rentefritaket rekna frå den 1. i same månad. Forhold som startar 15. og ut månaden, gir rentefritak frå den 1. i månaden etter. Blir forholdet avslutta i tida 1. til og med 14. i månaden, blir fritaket rekna til og med siste dag i månaden før. Blir forholdet avslutta 15. eller seinare, blir fritaket rekna til og med den siste dagen i same månaden.

N
Ved utrekning av rentefritak legg Lånekassen til grunn belasta renter i rentefritaksperioden og eventuelt for mykje belasta rentesrenter. Rentefritaksbeløpet blir godskrive gjelda til låntakaren og blir postert i samsvar med posteringsrekkjefølgja under punkt 5.7, med unntak av at rentefritak ikkje blir postert mot ein eventuell gebyrsaldo og kostnader.

N
Rentefritaksbeløpet blir ikkje utbetalt, bortsett frå dersom gjelda er innfridd. Beløp under kr 100 blir ikkje refundert automatisk.

N
Også rentefritak under sjølvfinansiert utdanning blir gitt på etterskott, anten for eitt og eitt år om gongen, eller på etterskott når heile utdanninga (graden) er fullført.

N
Spørsmål om rentefritak som gjeld forhold før 1. januar 2000, kan bli behandla når saka er teken opp av låntakaren på eit tidlegare tidspunkt og behandlinga er utsett av Lånekassen, eller når Lånekassen openbert har forsømt behandlings­/opplysningsplikta si.

N
Rentefritak for forhold frå før 1. januar 2000 kan bli gitt dersom forholdet var klart avgrensa i tid, og søkjaren hadde rett til rentefritak for forholdet i ein samanhengande periode som blei avslutta etter 1. januar 2000.

N
Det kan ikkje bli gitt rentefritak utover normert tid eller årsblokkene i kap. I punkt 10 når låntakaren tidlegare har fått støtte og/eller rentefritak i maksimal tid etter reglane i kap. I. Ved forseinking kan den normerte tida/blokkene bli utvida når låntakeren har rett til det etter reglane i kap. I punkt 10, 11.1.1 og 11.1.2 for det året søknaden gjeld.

N
Rentefritak må bli utsett dersom det er rimelig grunn til å tru at det samla utdanningsprogammet vil gå ut over den maksimal støtteperioden etter kap. I punkt 10 i forskriftene.

N
Lærlingar som må vente på læreplass, kan få rentefritak i ventetida i inntil seks månader. Denne perioden blir ikkje rekna med i den samla tida lærlingen kan få støtte/rentefritak (blokka).

N
Låntakarar som får støtte frå eit anna nordisk land til utdanning i Norden etter at dei tidlegare har fått støtte i Lånekassen, kan få rentefritak for det same tidsrommet som det kunne ha vore gitt støtte etter kap. I punkt 10 og 11 i forskriftene, dersom dei hadde søkt om støtte i Lånekassen. Dette gjeld sjølv om låntakaren har eit anna nordisk statsborgarskap enn norsk.

N
Utanlandske statsborgarar, med unntak av statsborgarar frå EU- og EØS-land, som tek sjølvfinansiert utdanning i land utanfor Norden, har ikkje rett til rentefritak, jf. kap. V punkt 1.1 og punkt 1.1.1.

N
Ved doktorgradsutdanning i utlandet (utanlandsk grad) bruker Lånekassen den tidsnormeringa som gjeld for den aktuelle godkjende utdanninga, teken på fulltid i vedkommande land.

N
Gjennomsnittleg inntekt per semester kan bli godteke. Når inntektsgrensa skal aukast på grunn av barn, reknar Lånekassen med alle barn under 16 år (også særkullsbarn) som låntakaren forsørgjer, også barn som låntakaren betaler bidrag for.

N
Det blir sett bort frå barnetillegg og barnebidrag som låntakaren får for barn over 16 år.

N
Brutto månadsinntekt skal til vanleg bli dokumentert ved lønnsslippar frå arbeidsgivar, eller ved utskrift av likning dersom låntakaren har same inntekt kvar månad, har hatt fleire arbeidsforhold som ikkje kan dokumenterast på annan måte, eller er sjølvstendig næringsdrivande. Ein generell attest som oppgir fast månadsinntekt, blir godteken.

Eigenerklæring kan bli godteken dersom låntakaren opplyser at han ikkje har inntekt.

N
Når inntekta er oppgitt i framand valuta, blir vekslingskursen på behandlingstidspunktet (midtkursen i Noregs Bank) brukt. Dersom dette gir eit svært urimeleg utslag, kan vekslingskursen i søknadsperioden bli brukt.

N
Med inntekt er meint all skattepliktig inntekt. Reglane i skatteloven blir lagde til grunn. Inntektene nedanfor, som ikkje er skattepliktige, blir haldne utanfor:
– grunnstønad
– hjelpestønad
– eingongsstønad ved fødsel
– barnetrygd
– bustøtte
– sosialstøtte
– stønad til barnetilsyn
– tenestetillegg/dagpengar, forsørgjartillegg (ektefelletillegg/barnetillegg) og butillegg under militær og sivil verneplikt (blir utbetalt til ektefelle/partnar eller sambuar med felles barn)
– tilskott til opphaldsutgifter under rehabilitering
– kontantstøtte
– erstatning for framtidig inntektstap

Lista ovanfor er ikkje fullstendig. Får låntakaren andre ytingar som er dokumentert ikkje skattepliktige, blir dei også haldne utanfor.

N
Inntektsgrunnlaget for låntakarar som er busette i utlandet, er det same som for låntakarar i Noreg. Inntekt som ikkje er skattepliktig i Noreg, blir ikkje rekna med i bruttoinntekta. Det kan heller ikkje bli teke omsyn til utgifter som gir rett til frådrag ved skattelikninga i landet der låntakaren er skattepliktig.

N
Det er ikkje eit vilkår at inntekta skal vere under grensa i alle månadene det er søkt om rentefritak for. Det kan dermed bli gitt rentefritak for færre månader. Ved utrekning av brutto månadsinntekt er det disposisjonsdatoen (ikkje oppteningsperioden) for inntekta som blir lagd til grunn.

N
Oppteningsperioden kan leggjast til grunn i tilfelle der det ligg føre særlege forhold som gir eit urimeleg resultat.

N
Når inntektsgrensa skal aukast på grunn av barn, reknar Lånekassen med alle barn under 16 år (også særkullsbarn) som låntakaren forsørgjer, også barn låntakaren betaler bidrag for. Det blir sett bort frå barnetillegg og barnebidrag som låntakaren får for barn over 16 år.

N
Ein låntakar kan ha fleire årsaker som gir grunnlag for rentefritak etter dette punktet. Kvar av periodane, eller ein av dei, kan vare kortare enn tre månader. Dersom det ikkje er avbrott i tid mellom desse periodane, kan Lånekassen sjå dei i samanheng. Rentefritak kan bli gitt for heile perioden. Føresetnaden er at heile perioden er på minst tre månader.

N
Dersom låntakaren er i utdanning og har rett til støtte umiddelbart før og etter militær/sivil verneplikt, kan det bli gitt rentefritak i opptil seks månader samla for to periodar ­ før og etter tenesta ­ når tenesta tek til midt i eit semester.

Dersom låntakaren går direkte over i militær­/sivilteneste etter ei avslutta utdanning, blir det ikkje gitt rentefritak i det mellomliggjande tidsrommet. Dersom låntakaren held fram med ny utdanning etter dimittering, kan det likevel bli gitt rentefritak som nemnt ovanfor.

N
Låntakar som registrerer seg som arbeidsledig etter avslutta utdanning, men før lånet blir sett renteberande, kan få eventuell tid mellom normert avslutning av utdanninga og rentedatoen for lånet rekna med i kravet til oppteningsperiode.

N
Ved arbeidsløyse og yrkesretta attføring skal låntakaren stadfeste periode og inntekt med utskrift av utbetalingshistorikk, meldehistorikk eller dagpengehistorikk frå Aetat. For låntakarar som er busette i utlandet, kan andre former for dokumentasjon bli godtekne når det ikkje er råd å registrere seg ved ei arbeidsformidling.

N
Registrert arbeidsløyse vil seie at låntakaren sender meldekort til Aetat eller deltek på arbeidsmarknadskurs/-opplæring i regi av Aetat eller andre offentlege styresmakter.

Arbeidssøkjande som er registrerte som fullt sysselsette (kodene FS IT, FS SK, FS VI før 01.03.02), blir ikkje sett på som arbeidsledige og har ikkje rett til rentefritak etter denne regelen.

N
Det må liggje føre stadfesting frå Aetat på at kunden søkjer om fulltidsarbeid. Søknader frå låntakar som har deltidsarbeid, men som er registrert som søkjar til fulltidsarbeid, kan bli vurderte etter dette punktet.

N
Låntakarar som bur saman med ektefellen i utlandet, og som kan dokumentere at han/ho ikkje har rett til arbeidsløyve, kan bli vurderte etter dette punktet.

N
Alkoholisme/narkomani er ikkje definert som sjukdom etter Folketrygdloven. Alkoholisme/narkomani kan likevel bli godteke dersom vedkommande er i eit behandlingsopplegg. Føresetnaden er at behandlingsopplegget går føre seg ved ein godkjend institusjon for rehabilitering.

N
Rentefritak kan bli gitt frå tre veker før fødselen.

N
Foreldra er likestilte, men det kan bli gitt rentefritak i til saman berre tolv månader. Begge foreldra kan ikkje få rentefritak for den same perioden etter dette punktet.

N
Omsorga må gjelde barn låntakaren bur saman med minimum 1/3 del av året. Vanleg samværsrett (annakvar helg frå fredag ettermiddag til måndag morgon pluss ein ettermiddag kvar veke) utgjer mindre enn 1/3 av tida og gir dermed ikkje rett til rentefritak.

N
Dersom begge foreldra har ei inntekt som ligg under inntektsgrensa, har begge foreldra rett til rentefritak.

N
Dersom ein av foreldra får rentefritak etter punkt 8.2.3, kan den andre få rentefritak etter dette punktet dersom krava i punktet er oppfylte.

N
Ved omsorg for uføre, funksjonshemma eller eldre bør omfanget av pleiebehovet vere minst 50 prosent. I andre tilfelle bør låntakaren vere i arbeid eller vere arbeidssøkjar. Omfanget av pleiebehovet må dokumenterast med stadfesting frå lege, sosialkontor, helsestyresmakt eller annan faginstans.

N
Låntakar som får overgangsstønad fordi barnet har behov for omsorg eller tilsyn utover det som er vanleg, kan få rentefritak etter dette punktet.

N
Rentefritak etter dette punktet kan ikkje kombinerast med andre årsaker.

N
Som grunnlag for bruttoinntekt per månad blir rekna summen av bruttoinntekter, inklusive kapitalinntekter, slik det kjem fram på utskrift av likninga (punkt 3.1.10). Denne summen blir delt på 12 for å komme fram til brutto månadsinntekt.

N
Når perioden det blir søkt om rentefritak for, strekkjer seg over to kalenderår, blir den inntektsgrensa som gjeld ved utløpet av perioden, lagd til grunn for heile perioden.

N
Sjølvstendig næringsdrivande må sende inn stadfesting på registrert foretak i Brønnøysundsregisteret og/eller kopi av næringsoppgåva/sjølvmeldinga for det aktuelle tidsrommet.

N
Aktive idrettsutøvarar kan bli behandla etter denne forskrifta dersom:

dei har kontrakt som varer i minst eitt år med Norges Idrettsforbund eller eitt av særforbunda
dei har vore på landslaget i heile eller delar av perioden
dei har fått individuelt utøvarstipend eller vidareutviklingsstipend frå Olympiatoppen
dei har vore på lag som har fått lagstipend frå Olympiatoppen
N
Har låntakaren eit arbeidsforhold der det blir gitt ei eller anna form for godtgjering, f.eks. for kost og losji med redusert lønn, blir søknaden behandla etter dette punktet om arbeidsforholdet varer i minst tolv månader. Det gjeld f.eks. au­pair, misjonsvirksemd eller liknande. Dokumentasjon som viser kor lenge arbeidsforholdet har vart, må liggje føre.

N
Frivillig ulønna arbeid gir ikkje rett til rentefritak. Frivillig ulønna arbeid i kombinasjon med lønna deltidsarbeid blir ikkje godteke som fulltidsarbeid.

N
Forskingsstipend frå Noregs forskingsråd (NFR) blir sett på som arbeidsinntekt. Det same gjeld forskingsstipend som låntakaren får frå andre land.

N
Rentefritak etter dette punktet kan ikkje kombinerast med andre årsaker.

N
Rentefritak etter dette punktet kan ikkje kombinerast med andre årsaker.

N
Betalingsutsetjing blir gitt uavhengig av om det er gitt utsetjing for tidlegare innfridd gjeld.

N
Betalingsutsetjingar utan rentefritak som er gitt frå og med 1997, skal reknast med i det talet på år som det kan bli gitt utsetjing for etter dette punktet.

Er det gitt rentefritak i ettertid for ein periode der det først berre er gitt utsetjing, tel ikkje utsetjinga med i samla tid etter punkt 9.1.

N
Låntakaren kan velgje å kombinere heil og halv betalingsutsetjing innanfor dei grensene forskriftene set. Summen av heile og halve utsetjingar kan ikkje vere meir enn 12 heile utsetjingar.

N
Låntakarar som har rett til rentefritak etter punkt 8.2 i forskriftene for ein periode som er avslutta, skal (etter søknad) få utsetjing slik at låntakaren har lønnsopptening i minst 2,5 månader før neste terminforfall. Dersom forholdet som gir rett til rentefritak, ikkje er avslutta, kan det (etter søknad) bli gitt utsetjing for inntil to terminforfall

N
Det same gjeld låntakarar som har gjennomført deltidsutdanning når det kunne ha vore gitt støtte etter kap. I.

N
Låntakarar som har gjennomført utdanning på fulltid utan støtte frå Lånekassen, når det kunne ha vore gitt støtte etter kap. I, kan (etter søknad) få betalingsutsetjing tilsvarande betalingspausen etter reglane i kap. VI punkt 5.1.

N
Opphavleg terminbeløp vil seie det fullterminbeløpet som låntakaren hadde per 04.01.90. For låntakarar som har fått betalingsplan seinare, vil det seie siste gong det blei laga ordinær betalingsplan. For låntakarar som opphavleg hadde halvårlege terminbeløp, kan ikkje framtidige terminbeløp bli større enn 1,5 gonger halvparten av det opphavlege beløpet.

N
Låntakarar som på grunn av alder og tidlegare utsetjingar får terminbeløp som er meir enn 1,5 gonger større enn det opphavlege terminbeløpet, og som har låg inntekt og rett til rentefritak, kan ha rett til utsetjing. Saka skal vurderast etter skjønn, og det skal leggjast vekt på eventuell rett til ettergiving ved alderspensjon etter kap. VI punkt 10.2.

N
Er uføregraden 50 prosent eller meir, blir ettergivinga fastsett i samsvar med brutto inntekt per månad (summen av trygd og arbeidsinntekter osv.). Uførepensjonen må vere innvilga før gjelda kan bli ettergitt.

N
Ved nedskriving blir først kostnader, gebyr, rentesaldo og deretter lånesaldoen redusert.

N
Når inntektsgrensa skal aukast på grunn av barn, blir alle barn under 16 år (også særkullsbarn) som låntakaren forsørgjer, rekna med, også barn som låntakaren betaler bidrag for. Det blir sett bort frå barnetillegg og barnebidrag som låntakaren får for barn over 16 år.

N
Innbetalingar som er gjorde før søknaden om ettergiving er motteken i Lånekassen, blir ikkje refunderte. Låntakarar med månadlege betalingsavtalar/trekk i trygdeutbetalingar kan få refundert innbetalingar som er gjorde etter at søknaden om ettergiving er innkommen til Lånekassen. Utlegg som er tekne i etterbetaling av trygdeytingar, kan bli refunderte når låntakaren har rett til ettergiving.

N
Låntakarar som har fått ettergitt gjelda si og søkjer om ny støtte, må dokumentere med legeattest at helsetilstanden er betra, og at det er sannsynleg at låntakaren kan gå tilbake til arbeidslivet når utdanninga er gjennomført, før ny støtte kan bli gitt. Rentene skal ikkje reaktiverast.

N
Vedtaket om ettergiving blir ikkje oppheva ved søknad om ny støtte dersom gjelda er avskriven fordi låntakaren var ufør og låntakaren på avskrivingstidspunktet var i gjeldsordning eller i gjeldsforhandlingsperioden etter reglane i gjeldsordningsloven, og gjeldsordninga er gjennomført.

N
Inntekta og formuen må dokumenterast for både låntakeren og ein eventuell ektefelle/partnar eller sambuar med felles barn.

N
Dødsfallet må som hovudregel bli stadfesta av skifteretten.

N
Låntakarar som har fått saka sendt over til namsmannen eller til Statens innkrevjingssentral, kan få betalingslette dersom dei dokumenterer at dei har rett til det. Dersom ein låntakar kjem à jour i forhold til betalingsplanen ved å betale eller få betalingslette, kan saka bli tilbakekalla. Utleggspant som er teke i eignedelane til kunden før saka blir tilbakekalla, blir ståande, jf. punkt 11.1.1.

N
Klage på for lågt eller for høgt lønnstrekk eller anna som gjeld utleggsforretninga, skal rettast til den instansen som heldt utleggsforretninga.

N
Lånekassen kan vurdere å slette pantet før heile gjelda er innfridd. Ved vurderinga blir det mellom anna lagt vekt på inkassohistorikken til låntakaren, kor stort lånet er, verdien på pantet, prioriteten til Lånekassen og kva behov låntakaren har for å få sletta pantet.

N
Låntakeren skal tilskrivast om vedtaket om overføring minimum tre veker før saka blir overført til Statens innkrevjingssentral.

N
Dersom låntakaren dokumenterer at den noverande situasjonen gir rett til betalingslette etter kap. VI punkt 8 eller 10, skal vedtaket om overføring til SI bli oppheva umiddelbart.

N
Lånekassen skal utsetje overføringa til SI dersom det blir inngått ein betalingsavtale der låntakaren
1. betaler inn kr 15 000 som eit eingongsbeløp
2. etter innbetalinga av eingongsbeløpet inngår ein avtale om månadleg betaling i samsvar med betalingsevna.
Låntakarar som ikkje held betalingsavtalen, vil ikkje få ny purring, men saka blir overført til SI utan at låntakaren får fleire meldingar.

Dersom det udekte beløpet blir betalt, blir vedtaket om overføring til SI oppheva.

N
Dersom låntakaren dokumenterer å ha rett til betalingslette i delar av dei tre siste åra, men den noverande situasjonen ikkje gir rett til lette, er det ein føresetnad for å unngå overføring at det også blir inngått ein betalingsavtale. Kravet om ei umiddelbar innbetaling av kr 15 000/udekt beløp kan bli redusert etter skjønn.

N
Vurderinga skal baserast på situasjonen til låntakaren, inkassohistorikken og det samla utdanningslånet.

N
Dersom låntakaren ikkje har vore registrert med ei inkassosak tidlegare, kan Lånekassen gi utdanningsstøtte dersom låntakaren ajourbetaler eller har rett til betalingslette.

N
Dersom det er gått to år sidan låntakaren var registrert med ei inkassosak, kan Lånekassen gi støtte dersom låntakaren har innfridd gjelda, har ajourbetalt i forhold til den opphavlege betalingsplanen, eller har fått betalingslette.

Dersom det har gått mindre enn to år sidan låntakaren var registrert med ei inkassosak, skal det gjerast ei heilskapsvurdering der det mellom anna skal leggjast vekt på graden av misleghaldet, betalingsviljen til låntakaren og den framtidige betalingsevna. Det vil også bli lagt vekt på om låntakaren ved fleire høve har late vere å halde folkeregisteret/Lånekassen orientert om ny adresse, eller ikkje har svart på brev frå Lånekassen.

N
Låntakarar som har fått gjelda avskriven som fordring det er uråd å drive inn, eller er permanent overførte til Statens innkrevjingssentral, kan som hovudregel ikkje få ny støtte.

N
Støtte som låntakaren har heva utan å ha rett til det, og som det skal reknast renter av, blir sett renteberande frå den 1. i månaden etter at støtta er heva.

N
Søknad om stipend blir vurdert etter dei ordinære forskriftene for tildeling av ny støtte, jf. kap. I punkt 15.2 og kap. VI punkt 10.3. Misleghald i gjeldsordningsperioden kan føre til avslag på søknad om ny støtte.