Kor mykje kan du få

Studieåret er til vanleg på ti månader.

I tillegg kan du få reisestipend, forsørgjarstipend og ekstra lån til skolepengar. (For å få ekstra lån til skolepengar, bør du krysse av for "maksimalt stipend og lån" i søknaden.)

Fullt stipend når eksamen er bestått

Utdanningsstipendet er på 40 prosent av basisstøtta og blir utbetalt som lån og deretter gjort om til stipend etter kvart som du består eksamen. For å få fullt stipend må du bestå alle eksamenar, og du må bo for deg sjølv. Les meir om omgjering etter eksamen.

Merk: Stipendet blir behovsprøvd mot inntekta og formuen din når likninga er klar. Alle blir kontrollerete. Les meir om inntekt og formue.

Bortebuar eller heimebuar

Du får utdanningsstipend når du har flytt frå foreldra dine. Bur du i same huset som foreldra dine, får du stipend berre dersom huset er delt inn i fleire enn fire forskjellige og klart avskilde boeiningar. Det er ikkje nok at du bur i eigen boeining i huset til foreldra dine eller betaler husleige heime. Du blir også rekna som heimebuar dersom du bur i ein bustad som høyrer til huset der foreldra dine bur. Heile støtta blir då utbetalt som lån, og lånet blir ikkje gjort om til stipend ved fullført utdanning.

Flyttar du frå eller til foreldra dine i løpet av søknadsperioden, må du sende melding til Lånekassen der du oppgir flyttedato. Flyttar du for deg sjølv, ber vi deg sende inn kopi av leigekontrakten. 

Lånet er rentefritt medan du er i utdanning

Det blir ikkje rekna renter av lånet så lenge du er i fulltidsutdanning og får pengar frå Lånekassen til utdanninga.