Støtte til internasjonale symposium 2008

Med atterhald om universitetsstyret sitt vedtak i sak om budsjettfordeling i desember, vil det bli gitt støtte til arrangement av internasjonale symposium også i 2008.

Søknaden skal sendast direkte til eiga eining (fakultet, senter) innan den fristen eininga fastset.

For å få støtte, er det krav om at fakultet/institutt/senter set av minst halvparten av den summen det vert søkt om frå posten Internasjonale symposia. Det er vidare krav om at
- universitetet er arrangør/medarrangør
- deltakarane betalar eigendel/deltakaravgift
- symposiet vert arrangert i Tromsøområdet
Der målgruppa er deltakarar frå land som venteleg ikkje har økonomi til å delta dersom det er eigendel, kan det vurderast om det kan gjerast unntak frå kravet.

I vurderinga av søknadane vil det bli lagt vekt på prioriteringa frå fakultet/senter der det er meir enn ein søknad frå same eining.

I søknaden ynskjer vi budsjett for inntekter og utgifter der det og går fram om er søkt om og eventuelt motteke ekstern finansiering. Vidare må det vera med opplysningar om:

- kor mange deltakarar symposiet er planlagt for, og kva land de reknar med vil bli representert
- når og kvar skal det haldast
- det er eit årvisst arrangement
- program
- kor aktuelt temaet er
- deltaking på symposiet vil kunna godskrivast i opplæringsdelen i aktuelle doktorgradsutdanningar

I tildelinga vil det bli lagt særleg vekt på det siste strekpunktet.

Spørsmål