Berre juss- og ex.phil-studentar får auka rettleiing
og mindre undervisningsgrupper etter sommarferien. Dei
som allereie er studentar vil ikkje merke stort til Kvalitetsreforma.
 |
KVALITETSMANGEL. – Kvaliteten i kvalitetsreformen
vil utebli, hevdar assisterande universitetsdirektør
Sverre Spildo.
|
| |
DETTE ER SAKEN
|
Studvest skreiv førre veke om universiteta
sitt ynskje om 140 millionar kroner for å
dekke auka løns- og prisvekst. n Utdanningsminister
Kristin Clemet omtaler ynsjet som heilt urealistisk.
Inkludert dei 140 millionane, manglar universiteta
ifølgje seg sjølve 500 millionar for å kunne
gjennomføre Kvalitetsreforma.
UiB har fått 56 millionar til gjennomføringa
av reforma, men treng 110 til.
Kjelder: UFD og UiB
|
|
– Det blir tradisjonell undervisning, seier Sverre Spildo,
assisterande universitetsdirektør ved UiB. Han er frustrert
over den manglande finansieringa frå Kristin Clemets departement.
– Dei som allereie er studentar vil ikkje merke Kvalitetsreforma
som stort anna enn ein gradsreform, seier Spildo, og konstaterer
at få studentar ved UiB vil få dei goda reforma legg opp
til. Grunnen er 110 millionar kroner for lite frå Utdannings-
og forskingsdepartementet.
– For dei som allereie er studentar, blir det på same
måte som i dag, med kateterundervisning og dei vanlege
eksamensformene.
Juss prioritert
Det er fyrstesemesterstudentane som blir best ivaretatt
til hausten.
– Innføringsstudia og juss er dei som har fått mest pengar,
fastslår Spildo. For jusstudentane vil få den rettleiing
og alternative undervisningsformer som reforma legg opp
til. Derimot vil ikkje studentar ved Mat.-Nat.-, HF- og
SV-fakulteta bli like kvalitetsreformerte. Dekanus Alf
Erling Risa ved SV-fakultetet medgjev at studentane framleis
stort sett vil vere samla i store grupper.
– Vi har ikkje fått utvida kapasitet til å kunne følgje
opp studentane slik vi skulle. I fyrste omgong er det
kun fyrsteårsstudentane som får eit annleis tilbod, men
vi kjem kanskje til å utvide til nokre studieprogram etter
kvart.
Stryk «kvalitet»
Universitetet i Oslo har dei same problema som Bergen.
Utdanningsdirektør Torill Johansson er samd med Spildo.
Ho fryktar at hausten blir lite kvalitativ av seg.
– Innhaldet i reforma blir vanskeleg å gjenomføre. Du
kan stryke ordet kvalitet framfor reform. Men inntil vidare
forutset vi at pengane kjem. Det er eit håp som raskt
kan breste. Bjørn Haugstad, statssekretær i Utdannings-
og forskingsdepartementet, seier at universiteta kan rekne
dei manglande pengane som eit tapt slag.
– Dette er ein legitim kamp om å få midlar, men universiteta
bør heller gå i seg sjølv og sjå etter uutnytta ressursar.
Det er framleis mykje som kan verte meir effektivt, seier
Haugstad, som ikkje meiner at ein reform som har kosta
19 milliardar står og fell på den halve milliarden som
universiteta meiner dei manglar.
